Ádebietshiler men qalamgerlerdi túrli ádebi festival, forýmdarǵa qatystyrý jalǵasady.
Bul týraly Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Búgingi kúni «Rýhani jańǵyrý» baǵdarlamasy aiasynda álem ádebieti avtorlarynyń aýdarmalary jaryq kórýde. 2021 jyly álem balalar ádebietiniń Daniel Defo «Robinzon Krýzo» (aýdarǵan Keńes Dúisen), Djonatan Svift «Gýlliverdiń saiahattary» (aýdarǵan Jamalhan Asyqova), Stivenson Robert Liýis «Qazyna araly» (aýdarǵan Qadyr Dáýitov) siiaqty avtorlardyń aýdarmalary basylyp shyǵyp, respýblika kitaphanalaryna taratyldy», - dep atap ótedi Eraly Toǵjanov jaýabynda.
Onyń atap ótýinshe, «Rýhani jańǵyrý» baǵdarlamasyn iske asyrýdyń 2021 jylǵa arnalǵan jol kartasy aiasynda «Jahandaǵy zamanaýi qazaqstandyq mádeniet» jobasy iske asyryldy. Álemniń 53 elinde 280 is-shara, onyń ishinde túrli kezdesýler, múshairalar, forýmdar men kezdesýler ótkizildi.
«Barlyq is-sharalarǵa otandyq ádebietshiler men qalamgerler qatysyp, sheteldik ádebiet ókilderimen pikir almasyp, oqyrmandy óz shyǵarmashylyǵymen tanystyrýǵa múmkindik aldy. Aldaǵy ýaqytta da ádebietshiler men qalamgerlerdi túrli ádebi festival, forýmdarǵa qatystyrý jáne olardyń sheteldik qalamgerlermen tájiribe almasýyn uiymdastyrý jalǵasady», - dedi vitse-premer.
