Balalalar arasynda kavasakige uqsas sindrom aýrýy artýy múmkin. Mundai pikirdi «Astana meditsina ýniversiteti» kommertsiialyq emes aktsionerlik qoǵamy balalar infektsiialyq aýrýlary kafedrasynyń meńgerýshisi, meditsina ǵylymdarynyń doktory Dinagúl Baesheva bildirdi, dep habarlaidy QazAqparat.
«Koronavirýs infektsiiasy kez kelgen jasqa, balalarǵa da, eresekterge de juǵatyndyǵyn atap ótken jón. Balalar da koronavirýs infektsiiasymen aýyrady. Degenmen, olarda eresekterge qaraǵanda aýrý birshama jeńil ótedi. Balalar kóbine simptomsyz túrin tasymaldaýshy bolady. Iaǵni, olarda aýrýdyń eshqandai belgisi baiqalmaidy. Alaida, koronavirýs infektsiiasymen aýyrǵan balalalarda 2-4 apta ótkennen keiin mýltijúieli qabyný simptomy paida bolýy múmkin ekendigin esten shyǵarmaý qajet. Mundai kezde birqatar aǵza men júie zaqymdanyp, balanyń jaǵdaiy óte aýyr bolady. Dene qyzýy únemi joǵary bolyp, dárige de túspeidi. Teride bórtpe paida bolyp, ókpe, bas miy, býyndar qabynady. Sondyqtan da balalardy koronavirýs infektsiiasyn juqtyryp almaýy úshin barynsha qorǵaǵan durys bolar edi», - dedi Dinagúl Baesheva.
Osy rette dáriger el azamattaryn mamandardyń keńesine qulaq asýǵa shaqyrdy.
«Árine, balalar oinaǵysy, dostarymen kezdeskisi keledi. Degenmen, olar virýs juqtyryp almaýy úshin barynsha qorǵaý qajet. Kei adamdarda «balalar qazir aýyryp alsyn, sodan keiin olarda turaqty immýnitet qalyptasyp, aýyrmaityn bolady», degen jaqsaq pikir bar. Ókinishke qarai, búginde mundai pikirdiń durys ekendigin dáleldeitin esh dáiek joq. Balalardyń aýrýyp qalǵany týraly derekter kúnnen kúnge aýysyp otyrady. Mundai aqparat barlyq ýaqytta da ashyq. Aqparattar durys ári naqty beriledi. Densaýlyq saqtaý ministrline bul málimetterdi jasyrýǵa esh sebep te joq. Aýrý búkil álemde taralyp otyr jáne ol kúndelikti ómirde adamnan adamǵa tez juǵady», - dedi meditsina ǵylymdarynyń doktory.
Sonymen qatar ol balalalar arasynda kavasakige uqsas sindromnyń ótý múmkindigi bar ekendigin de jasyrmady.
«Men kavasakige uqsas sindrom boiynsha tártiptik komissiiasynyń múshesimin. Búginde balalar arasynda mundai sindromnyń ósimi baiqalyp otyrǵan joq. Biraq, aýrýdyń sál keiinirek, iaǵni belgili bir ýaqyttan paida bolýy múmkin ekendigin de esten shyǵarmaýǵa tiispiz. Osynaý epidemiologiialyq tsikldiń óz zańy bar. Sondyqtan salǵyrttyqqa jol berýge bolmaidy. Barlyq ýaqytta saqtyq sharalaryn qaperden shyǵarmai infektsionist dárigerdiń usynystaryn ustaný qajet», - dedi Dinagúl Baesheva.
