Prezidenttiń búgingi sóz sóileýiniń negizgi túiini - bul árbir qazaqstandyq ómiriniń mańyzdylyǵy. Bul týraly QR Aqparat jáne qoǵamdyq damý ministri Aida Balaeva aitty, dep habarlaidy "Ult aqparat".
«Prezidenttiń búgingi sóz sóileýiniń negizgi túiini - bul árbir qazaqstandyq ómiriniń mańyzdylyǵy. Memleket elimizdegi árbir azamattyń qorǵaýdyń bar ekendigin sezinýi úshin barlyq múmkindikti jasaidy. Árbir ómir úshin kúndelikti aýyr kúres júredi. Ókinishke orai, búginde osynaý aýyr epidemiologiialyq ahýaldy óz maqsattaryna paidalanatyn keibir adamdarmen betpe-bet kelip otyrmyz. Bul jalǵan málimetter men úrei týdyrady. Tek resmi aqparattarǵa ǵana sený qajet. Ony kúndelikti coronavirus2020.kz saitynan alýǵa bolady», - dedi dep jazdy ministr Facebook-tegi paraqshasynda.
Onyń atap ótýinshe, Prezident úndeýinde halyqty dári-dármektermen, aýrýhanalardy tósek-orynmen qamtamasyz etý jónindegi memlekettiń keshendi sharalaryn jariia etip, teris daǵdarysty statistikanyń oń kórsetkishke ie bola bastaǵandyǵyn aitty.
«Koronavirýspen kúreske baǵyttalǵan kúndelikti sharalar kúsheitile túsetin bolady. Qazaqstandyqtar taiaý kúnderi indetpen kúreske qajetti dári-dármekpen qamtamasyz etiledi. Prezident atap ótkendei, aldaǵy aptalar sheshýshi bolmaq. Jáne de bul ýaqytta kóp jaǵdai qazaqstandyqtardyń ózderine, olardyń sana-sezimine, óziniń jáne jaqyndarynyń ómiri men densaýlyǵyna degen alańdaýshylyq deńgeiine bailanysty bolmaq. Qatań sanitarlyq normalardy saqtap, qajettilik týyndamasa úiden, páterden shyqpaý qajet. Búginde barlyǵy da bizdiń árqaisymyzǵa bailanysty. Meditsina qyzmetkerlerdiń tynyshtyǵy men qalypty jumysy bizdiń sanalyǵymyzǵa bailanysty bolmaq. Bizdiń jaýapkershiligimiz virýstyń taralýyn tómendedi. Balalarymyzdyń densaýlyǵy men bolashaǵy bizge bailanysty. Ózińizdi jáne jaqyndaryńyzdy qorǵańyzdar», - dedi Aida Balaeva.
