Búgin Parlament Májilisindegi Úkimet saǵatynda QR Bilim jáne ǵylym ministri Ashat Aimaǵambetov osylai dep málimdedi, – dep habarlaid «Ult aqparat».
«Mektep deiingi bilim berý baǵdarlamasynan aǵylshyn tilin oqytýdy alyp tastaý josparlanyp otyr. Sonymen qatar, tárbieshilerdiń eńbekaqysyn kóterý eskerilgen.
Taǵy bir máseleniń biri – biryńǵai elektrondy kezektiń joqtyǵy. Keide memlekettik tapsyrys boiynsha jekemenshik balabaqshaǵa barǵan balalar kezekten shyǵarylmai qalady» dedi A. Aimaǵambetov.
Úkimet saǵatynda Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyn talqylaý boldy. Talqylaýda ministrlik Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasyn iske asyrý kezinde eldegi mektepke deiingi uiymdar jelisi balabaqshalar salý, jeke balabaqshalar, shaǵyn ortalyqtar ashý jáne basqa da engizý tásilderi esebinen 1839 birlikke, sáikesinshe, 3 jastan 6 jasqa deiingi balalardy mektepke deiingi tárbiemen jáne oqytýmen qamtý 13,6 paiyzǵa artqanyn, barlyǵy 10 673 mektepke deiingi uiym jumys isteidi, onyń ishinde balabaqsha - 6 470, shaǵyn ortalyqtar - 4 203. Kontingent 775 164 adamdy quraitynyn (2015 j. – 758 772 adam) anyqtap aitty.
Aita keteiik, eldegi mektepke deiingi uiymdardyń 38,2 paiyzy (4082) jeke menshik bolyp otyr, bul 2015 jylǵy kórsetkishten 18,1 paiyzǵa (20,1%) artyq. Sonymen qatar, Úkimet otyrysnda balabaqsha tárbieshileriniń eńbek aqysyn joǵarylatý týraly da sóz boldy.
