Qazaqstanda koronavirýs joq. Balabaqshalar jumysyn jalǵastyra bergeni durys.
Bul týraly QR Bilim jáne ǵylym ministri Ashat Aimaǵambetov Ortalyq kommýnikatsiialar qyzmetinde ótken brifingte aitty, dep habarlaidy "Ult aqparat".
«Mektep oqýshylarynyń kanikýly 21 naýryzdan bastalýy kerek bolatyn, osy jaǵdaiǵa bailanysty 16 naýryzdan, iaǵni erterek bastalady. Kanikýl aiaqtalǵanǵa deiin epidemiologiialyq ahýaldy qadaǵalap otyramyz, eger basqadai jaǵdai oryn alsa - qashyqtyqtan oqytý tehnologiiasyna súienýge týra keledi», - deidi QR Bilim jáne ǵylym ministri Ashat Aimaǵambetov.
Onyń aitýynsha, balabaqshalar jumys istei beredi.
«Qazaqstanda koronavirýs joq, sol sebepti balabaqshalardyń jumysyn toqtatýdyń qajeti joq dep oilaimyn. Virýs anyqtalǵan jaǵdaida (koronavirýs - avtor) jedel sharalar qabyldanady», - dedi ol.
