«Bala daýysy» ulttyq balalar án konkýrsynyń altynshy maýsymyna irikteý qashyqtan ótedi, dep habarlaidy "Ult aqparat".
QR Mádeniet jáne sport ministrligi, Nursultan Nazarbaev Qory 8-12 jas aralyǵyndaǵy daryndy balalardy «Bala daýysy» ulttyq balalar án baiqaýynyń altynshy maýsymyna qatysýǵa shaqyrady.
17 finalistti anyqtaityn qashyqtan irikteý kezeńi 25 naýryz ben 15 mamyr aralyǵynda ótedi. Kastingke qatysýdyń barlyq sharttary www.baladauysy.kz saitynda ornalastyrylǵan, sondai-aq, ótinimderdi qabyldaý kezeńi qazirden bastaldy.
1 maýsym men 1 qazan aralyǵynda «Bala daýysy» finalyna daiyndyq kezeńi ótedi: final qatysýshylaryna vokal, akterlik sheberlik, horeografiia boiynsha jeke sabaqtar ótkiziledi; qaitalanbas jáne erekshe sahnalyq beineni jasaý maqsatynda rejisserler, grafika jáne jaryq sýretshileri, dizainerler, stilistter olarmen jumys isteidi.
Baiqaýdyń finaly 7 jáne 9 qazan kúnderi Nur-Sultan qalasynda ótedi. Biylǵy jyly baiqaýdyń kontserttik baǵdarlamasynyń formaty birshama kúrdelengen - balalar qazaqstandyq jáne sheteldik estradanyń tanymal hitterin bend súiemeldeýimen oryndaityn bolady.
Baiqaýdyń barlyq kezeńderine balalardyń qatysýy tegin. Irikteý kezeńiniń árbir qatysýshysy ataýly diplomdar alady, finalisterge baǵaly syilyqtar beriledi.
«Bala daýysy» baiqaýynyń jeńimpazy alǵashqy kúnderinen bastap joba avtory jáne «Jandaný álemi» qorynyń quryltaishysy Áliia Nazarbaeva taǵaiyndaǵan ataýly bilim berý grantynyń iegeri bolady. Sondai-aq, baiqaý qorytyndysy boiynsha jańa balalar ánderiniń jinaǵy shyǵarylady, onyń avtorlary elimizdiń 14 oblysy, Shymkent, Almaty jáne Nur-sultan qalalarynyń balalar shyǵarmalyshyǵy kompozitorlary bolady.
Barlyq jańa ánder jáne de aldyńǵy maýsymdarda jazylǵan ánder «Bala daýysy» saitynda qoljetimdi bolady.
