Qańtar qasiretine qaramastan, Qazaqstan Respýblikasy Prezidenti Q.K.Toqaev óziniń sailaý aldy baǵdarlamasynda aitylǵan ekonomikalyq jáne saiasi reformalardy odan ári jalǵastyryp keledi.
Memleket basshysynyń álemdik deńgeidegi saiasi tulǵa ekenin zaman kórsetip otyr. Ol Táýelsiz elimizdiń 30 jylda jetken tabystaryn aita otyryp, jańa Qazaqstannyń jańa máselelerin aiqyndady.
Syn saǵaty kezinde taisalmady. Babalar armany - Táýelsizdikti saqtap qaldy. Osylai óziniń tar kezeńde durys sheshim qabyldai alatyn, jaýapkershilikten qashpaityn iri saiasi tulǵa ekenin tanytty.
Prezident sailaýynda jeńiske jetken kúnnen bastap, ol qoǵamdyq ómirdiń bar salasyn reformadan ótkizý saiasatyn júrgizdi.
Endi qoǵam da, adam da burynǵydai ómir súre almaitynyn bildi.
Sondyqtan da Qazaqstandy jańǵyrtý jolyn tańdady. Osylai «estýshi memleket» kontseptsiiasy jasaldy. Odan keiin jańa Qazaqstan joly tańdaldy.
Bul ne? Qandai baǵyt? Bul jaily sońǵy jyldary ekonomikada saiasi reforma turǵysynda jasalǵan alǵashqy qadamdardy aitsaq ta jetkilikti. Aýyl ákimderiniń sailaýy ótti, saiasi partiialardyń rólin kóterýge baǵyttalǵan zańnamalyq qadamdar da jasaldy. Endi aýdan ákimderi sailanatyn bolady. Kóleńkeli ekonomikamen kúres, korrýptsiiany quryqtaý, ádil qoǵam qurý maqsaty da qoiyldy. Mine, osy jolda Memleket basshysy jańa baǵyt, jańa jol tańdady. Aldaǵy ýaqytta jariia etiletin Jańa Qazaqstannyń jańa jolyn halyq asyǵa kútedi.
Ishki jáne syrtqy ekstremisttik, terroristik, lańkestik áreketterdiń sebebinen Qazaqstannyń burynǵydai ómir súre almaityny belgili. Qazirgi qalyptasqan jaǵdaiǵa qarai, partiia tóraǵasy «Nur Otan» partiiasynyń kezekten tys sezin shaqyrdy.
Prezident jańa Qazaqstan - jańa qoǵam kontseptsiiasyn usyndy.
«Nur Otan» partiiasynyń kezekten tys sezi onlain formatta ótti. Oǵan Respýblikamyzdyń barlyq óńirinen 399 delegat qatysty. Kún tártibinde eki másele qoiyldy. Partiianyń saiasi keńesiniń quramyna ózgeris engizildi. «Nur Otan» partiiasyn modernizatsiialaý máselesi qaraldy.
Memleket basshysy «Nur Otan» partiiasy óziniń tarihi missiiasyn oryndaǵanyn atap ótti. Endi partiianyń aty «Amanat» dep ózgertildi. Bul sózdiń - astary men mazmuny tereń. Amanat halyq senimi, qoǵam tiregi, jaýapkershilik pen ádilettilik kepili. Endi, partiianyń aty ǵana ózgerip qoimai, onyń jumys isteý tásilderi de jańǵyrady. Partiia men halyqtyń birligi jaqyndaidy. Ol qoǵamdyq ózgeristerdiń, bolashaqta júrgiziletin barlyq júielik ózgeristerdiń basynda turatyn jańa partiia bolmaq.
«...Zaman, qoǵam, adam ózgerip jatqanda partiianyń ózgerýi zańdylyq. Bul ýaqyt tilegi.
... Saiasi uiymnyń ataýyn «Amanat» dep ózgertý usynyldy. Jasyratyn eshteńe joq. Men de bul máselege qatysty pikir-talasqa qatystym. Birneshe usynys boldy. Sonyń ishinde «Amanat» degen ataýǵa toqtadyq dedi Prezident óz sózinde.
Iá, endi ol Ulttyq qundylyqtardy damytýǵa negizdelgen jańa Qazaqstan partiiasy bolmaq.
Árine, álemdi alańdatyp otyrǵan másele: Resei-Ýkraina qarym-qatynasy men soǵysy.
Partiia sezinde Memleket basshysy bul taqyrypty da ainalyp ótken joq.
«Geosaiasi jaǵdai ókinishke orai óte shielenisip tur», - dedi Q.K. Toqaev. - Sondyqtan da, biz, ekijaqty kelisimge kelýdi qajet dep esepteimiz. Eki memleket te ortaq kelisimge kelý úshin kelissóz júrgizýge shaqyramyz. Basqa jol joq.
... Qazaqstan óz tarapynan mámilegershilik bolý úshin barlyq jaǵdaidy jasaidy.
El Prezidenti ózara senim bolǵan jerde ǵana qaýipsizdik saqtalatynyn atap ótti.
Sezde kóterilgen máselelerdiń biri máslihattardaǵy partiia depýtattarynyń reitingisin kópshilikke jariia etý baǵyty boldy.
Jańa Qazaqstan bolashaǵy - ult pen memleket taǵdyryn sheshetin betburys bolatyny sezde atap ótildi.
Eýropa men Batystyń Resei tarapyna salyp jatqan sanktsiialary Qazaqstanǵa áser etpei qoimaidy. Bul máseleni Memleket basshysy partiianyń sezinde ashyq aitty.
Ol Qazaqstan ekonomikasy sanktsiia jaǵdaiyndaǵy qiyndyqtarǵa daiyn bolýy qajet dep eskertti. Krizistik jaǵdaiǵa qaramastan Qazaqstan qiyndyqtardan qinalmai ótýge tiis ekenin málimdedi. Osyǵan orai Úkimetke naqty tapsyrmalar berilgendigin atap ótti.
Birlik bar jerde tirlik bolatyny belgili. Prezidenttiń oiynsha qiyndyqtardy azaitpai da, kóbeitpei de birlese jumys istegende ǵana ony jeńýge bolady.
Árine, el men jer máselesi úlken ekonomikalyq, saiasi jáne rýhani ózgeristerdi talap etedi. Aýyldy kóterý, jastardy aýylǵa turaqtandyrý pragmatikalyq saiasi másele. Sondyqtan da sezde aýyl jastaryna arnalǵan «Órleý» atty jańa partiialyq joba usynyldy. Bul shynynda da – nazar aýdararlyq jańa baǵyt. Partiianyń jarǵysyna tiisti ózgertýler jasalady. Bul – zaman talaby. Sondai-aq, 2030 jylǵa deiingi «Baqýatty qoǵam: 10 jyldyqtyń 10 maqsaty» jáne «2025 jylǵa deiingi jemqorlyqqa qarsy is qimyldar» baǵdarlamasy da jańǵyryp, jańa turpatta modernizatsiiadan ótetin bolady. Jalpy partiianyń bul sezi halyqtyń kútken máselelerin kóterdi ǵoi dep oilaimyn. Bolashaqta úlken mindetter tur. Syn saǵaty týdy, osy synnan birge óteiik, qadirli aǵaiyn!
Baqytjan JUMAǴULOV,
Parlament Senatynyń depýtaty
