Baqytjan Sariev jańa qyzmetke taǵaiyndaldy, dep habarlaidy "Ult aqparat" Aqordanyń resmi saityna silteme jasap.
«Baqytjan Shómishbaiuly Sariev Qazaqstan Respýblikasy Prezidenti Keńsesiniń bastyǵy bolyp taǵaiyndalsyn, ol Qazaqstan Respýblikasy Prezidenti Ákimshiliginiń Memlekettik qyzmet jáne kadr saiasaty bóliminiń meńgerýshisi laýazymynan bosatylsyn», - delingen Jarlyq mátininde.
Baqytjan Sariev 1971 jylǵy 24 jeltoqsanda Almaty qalasynda dúniege kelgen.
Qazaq memlekettik sáýlet-qurylys akademiiasyn, Qaztutyný odaǵynyń Qaraǵandy ekonomikalyq ýniversitetin bitirgen, mamandyǵy boiynsha – injener, zańger.
1996-1999 jyldary Qazaqstan Respýblikasy Premer-Ministri Keńsesiniń Qujattamalyq qamtamasyz etý bóliminiń mamany, aǵa mamany, referenti, aǵa referenti laýazymdarynda jumys istedi.
1999 jylǵy mamyrdan 2019 jylǵy naýryzǵa deiin syrtqy saiasat vedomstvosy júiesinde qyzmet atqardy:
1999-2002 jyldary – Syrtqy ister ministrliginiń Ákimshilik departamenti Kadr jáne baqylaý basqarmasynyń Baqylaý bóliminiń bastyǵy;
2002-2003 jyldary – Syrtqy ister ministrligi Apparaty Kadr basqarmasynyń bastyǵy;
2003-2007 jyldary – Syrtqy ister ministrliginiń Apparat basshysy;
2007-2019 jyldary – Syrtqy ister ministri Keńsesiniń basshysy; 2016 jylǵy aqpannan 2017 jylǵy qazanǵa deiin Syrtqy ister ministrliginiń Ádep jónindegi ýákili mindetin qosymsha atqardy.
2019 jylǵy naýryzda Qazaqstan Respýblikasy Prezidentiniń Keńsesi bastyǵynyń orynbasary laýazymyna taǵaiyndaldy.
2019 jylǵy shildede Memleket basshysynyń Ókimimen Qazaqstan Respýblikasy Prezidenti Ákimshiliginiń Memlekettik qyzmet jáne kadr saiasaty bóliminiń meńgerýshisi bolyp taǵaiyndaldy.
