Búgin Úkimet úiinde QR Premer-Ministri Baqytjan Saǵyntaev «Tsifrlyq Qazaqstan» memlekettik baǵdarlamasy jobasynyń máseleleri boiynsha keńes ótkizdi, dep habarlaidy "Ult aqparat" primeminister.kz portalyna silteme jasap.
Keńes barysynda ekonomikanyń bazalyq salalaryn tsifrlandyrý, IT-indýstriiany damytý máseleleri talqylandy, sondai-aq, Astanada Astana Hub tehnoparkin qurý jobasy qaraldy.
«Tsifrlyq Qazaqstan» memlekettik baǵdarlamasynyń jobasy Qazaqstan ekonomikasynyń básekege qabilettiligi men tsifrlyq júieni údemeli damytý arqyly halyqtyń ómir súrý sapasyn arttyrýdy kózdeidi.
Jobany iske asyrý nátijesinde Qazaqstannyń JIÓ-ne AKT sektorynyń úlesi 2020 jylǵa qarai 4,85%-ǵa jetedi dep kútilýde; AKT salasyndaǵy eńbek ónimdiligi 31%-ǵa artyp, halyqtyń tsifrlyq saýattylyǵy 80%-dy qurap, internet qoldanýshylar úlesi 78%-ǵa deiin ulǵaitylyp, elektrondy túrde usynylǵan memlekettik qyzmetterdiń sany qaǵaz jáne elektrondy túrde alynǵan jalpy qyzmetter sany turǵysynan 80%-ǵa deiin ulǵaitylady dep kútilýde.
