Búgin Úkimet úiinde QR Premer-Ministri Baqytjan Saǵyntaev Orascom TMT direktorlar keńesiniń tóraǵasy Nagib Savirispen kezdesý ótkizdi, dep habarlaidy "Ult aqparat" QR Úkimetiniń baspasóz qyzmetine silteme jasap.
Kezdesý barysynda Qazaqstannyń telekommýnikatsiia salasyndaǵy kompaniiasymen yntymaqtastyq ornatý jáne tsifrlandyrý boiynsha birlesken investitsiialyq jobalardy iske asyrý máseleleri talqylandy.
Aita keteiik, Orascom Construction Group Kairde (Mysyr) ornalasqan, 1950 jyly negizi qalanǵan jáne Onsi Sawiris-ke tiesili.
Kompaniia álemdik merdigerler qataryna kiredi jáne Eýropada, Taiaý Shyǵysta jáne Soltústik Afrikada memlekettik jáne jeke klientter úshin iri ónerkásiptik, infraqurylymdyq jáne jekelegen kommertsiialyq jobalardy júzege asyrady. Orascom TMT kompaniiasy - ataqty investor ári telekommýnikatsiialyq jáne tehnologiialyq qurylymdardyń strategiialyq aktsioneri. Kompaniianyń aktsiialary NASDAQ Dubai birjalarynda jáne Mysyr birjasynda ainalymda.
Orascom Construction úsh túrli jáne jeke brendter boiynsha jumys jasaidy: Orascom, Contrack jáne The Weitz Company. Negizgi brendterge BESIX toby jáne qurylysqa arnalǵan ónerkásiptiń qosymsha salalaryndaǵy enshiles jáne táýeldi kompaniialar jelisi aktsiialarynyń 50% qoldaý kórsetedi.
