Almaty ákimi Baqytjan Saǵyntaev qalalyq qoǵamdyq keńes otyrysyn ótkizdi, dep habarlaidy QazAqparat.
«Almaty qalalyq qoǵamdyq keńesi - respýblikadaǵy eń belsendi keńes sanalady. Bul keńes qalanyń eń jandy, eń ózekti máseleleriniń sheshimin izdeitin mańyzdy uiymǵa ainaldy. Qoǵamdyq pikirtalas ekologiia, sáýlet, transport, turǵyn úi-kommýnaldyq sharýashylyq, áleýmettik infraqurylym, taǵy basqa máseleler tóńireginde týady. Bul máselelerdiń sheshimi ákimdik jumysynyń nátijesinde tabylyp keledi», - dedi Baqytjan Saǵyntaev.
Qala ákimi qoǵamdyq keńestiń áleýmettik mańyzyn tilge tiek etti.
«Sizder únemi halyqtyń arasynda júresizder. Qala turǵyndarynyń áleýmettik kóńil-kúiiniń tamyryn dóp basasyzdar. Qalalyqtardyń basty qajettilikterin taba otyryp, ony memlekettik múddemen, biliktiń sheshý joldarymen ushtastyrýǵa tyrysasyzdar. Men qalalyqtarmen ashyq aralasýǵa daiynmyn. Qalanyń damý josparyn birge talqylaiyq», - dedi ákim.
Aita ketý kerek, qoǵamdyq keńestiń alǵashqy quramyna 37 múshe kirdi. Onyń 31-i - azamattyq qoǵam ókilderi.
2016-2019 jyldar arasynda bul quram 107 otyrys, 127 komissiia otyrysyn, 84 qoǵamdyq baqylaý, 16 qoǵamdyq tyńdaý ótkizgen. Qoǵamdyq keńes otyrysynda 475 normativtik quqyqtyq akti qaralyp, memlekettik organdarǵa 462 usynys berildi.
