Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev Amerika Qurama Shtattarynyń Qazaqstandaǵy Tótenshe jáne Ókiletti elshisi Djordj Krolmen kezdesti, dep habarlaidy primeminister.kz.
Kezdesý barysynda ekonomika, saýda-sattyq jáne investitsiialar, dostyq qarym-qatynasty nyǵaitý salalaryndaǵy ekijaqty yntymaqtastyqtyń ózekti máseleleri talqylandy. Sondai-aq, elshi Dj. Kroldyń Qazaqstandaǵy diplomatiialyq missiiasynyń qorytyndysy shyǵaryldy.
«Memleket basshysy N. Nazarbaevtyń Vashingtonǵa jumys saparynan keiin bailanys odan ári nyǵaia tústi. Jalpy alǵanda, atqarylǵan jumystardyń arqasynda bizdiń ózara qarym-qatynasymyzdyń ekonomikalyq quraýshysy burynǵydan joǵary deńgeige jetti», - dedi Premer-Ministr Baqytjan Saǵyntaev.
Búgingi tańda Qazaqstan men AQSh arasyndaǵy ekijaqty qatynastar keńeitilgen strategiialyq áriptestik deńgeiine shyqty.
QR Premer-Ministri B. Saǵyntaevtyń ótken jyly sáýir aiynda Kaliforniia men Niý-Iorkke jasaǵan jumys saparynyń qorytyndysy boiynsha San-Frantsiskoda Bas konsýldyq ashyldy. Onda tsifrlandyrý baǵyty boiynsha «Zerde», «Astana hab» kompaniialarynyń, «Alataý» tehnoparkiniń birikken ókildikteri jumys isteidi.
Bas konsýldyq jumysy aiasynda Qazaqstannyń AQSh-tyń ońtústik-batysymen, sonyń ishinde Kremnii alqabynda ornalasqan jetekshi amerikalyq kompaniialarmen yntymaqtastyǵy damýda.
Budan ózge, kezdesý barysynda eki el arasyndaǵy iskerlik qarym-qatynasty odan ári damytý jónindegi jumys josparlary talqylandy.
Óz kezeginde, Dj. Krol Qazaqstan Prezidenti N. Nazarbaevtyń barlyq memlekettermen dostyq ózara qarym-qatynasty damytý men nyǵaitý jolyndaǵy strategiiasy men erekshe rólin atap ótti.
«Qazaqstannyń BUU Qaýipsizdik keńesindegi róli eleýli áserge ie. Qazaqstan - 26 jyl buryn Keńes Odaǵynyń quramynda bolǵan el, al búginde aimaqtaǵy jáne jalpy álemdegi kósh bastaýshy elderdiń biri. Qazaqstan Prezidentiniń saiasaty qarym-qatynasty turaqtandyrý úshin kórshi memleketterge óte mańyzdy», - dedi QR-daǵy AQSh elshisi.
