Almatyda meditsinalyq zattar men dári-dármek tapshylyǵy bolmaidy. Bul týraly halyqqa esep berý jiynynda Almaty qalasynyń ákimi Baqytjan Saǵyntaev aitty, dep habarlaidy «Ult aqparat».
Almaty qalasynyń ákimi Baqytjan Saǵyntaevtyń halyqqa esep berý jiynynda Medeý aýdanynyń turǵyny Irina koronavirýstyń ekinshi tolqyny paida bolǵan kezde meditsinalyq quraldar týraly, qalanyń qajetti meditsinalyq zattarmen jáne dári-dármektermen qalai qamtamasyz etiletindigi týraly suraq qoidy.
Almaty qalasynyń ákimi Baqytjan Saǵyntaev byltyr birinshi tolqyn qazaqstandyqtardyń tózimdiligin synady, osyǵan orai qala ákimdigi buryn-sońdy bolmaǵan sharalardy qabyldady dep jaýap berdi.
«Karantin alynyp tastalǵannan keiin,barlyǵymyz bosańsyp qaldyq. Dúrbeleń bastalyp, adamdar dárihanalardaǵy barlyq dári-dármekterdi satyp aldy. Biz dereý iske kirisip, turaqtandyrý qoryn qurdyq.Ushaqtarmen meditsinalyq quraldardy, dári-dármekterdi jáne jeldetkishterdi Úndistan men Belarýssiiadan tasymaldadyq. Memleket basshysy dári-dármekter men meditsinalyq zattardyń tirkeýsiz jáne memlekettik tilge aýdarylmai ótkizilýi týraly tapsyrma berdi. Barlyǵy 48 million paket preparat pen qorǵanys quraly qalaǵa jetkizildi. Búgingi kúni 24 millionǵa jýyq paket ainalymda jáne olardyń azaimaityn 8 million danasy bar. Qalada dári-dármek tapshylyǵyn boldyrmaý úshin 300-den astam dárihanalarǵa monitoring júrgizildi. Biz tapshylyqqa jol bermeimiz», - dedi Baqytja Saǵyntaev.
Onyń aitýynsha, jeke óndiristi damytý qajet. Ol úshin «ITP» AEA aýmaǵynda farmatsevtikalyq klaster quryldy, meditsinalyq kómektiń kepildendirilgen kóleminiń bóligi bolyp tabylatyn dári-dármekter, meditsinalyq maqsattaǵy buiymdar men mańyzdy jabdyqtar óndirisin oqshaýlaýǵa basty nazar aýdarylatyn bolady.
Búgingi kúni farmatsevtikalyq klasterdiń ókilderi farmatsevtikalyq zaýyttardyń qurylysyn bastady. «VivaPharm» JShS suiyq, jumsaq jáne qatty dárilik formalardy shyǵarýǵa arnalǵan óndiristik keshendi iske asyrýdy bastady. Investitsiia kólemi 4,6 mlrd teńgeni quraidy. Sondai-aq, «DolcePharm» JShS jeke qorǵanys quraldaryn shyǵaratyn zaýyt salýda. Investitsiialar kólemi 19,5 mlrd teńgeni quraidy.
Sonymen birge taǵy 3 investor farmatsevtika ónimderin shyǵarýǵa arnalǵan jobalardy iske asyrýǵa kiristi, mysaly: «Alfa Met» JShS, «Bio Evraziia» JShS jáne «ADS Industries» JShS. Atap aitqanda, shaǵyn jáne orta bizneske arnalǵan farmatsevtikalyq óndiristiń indýstrialdy parki salynady. Jalpy investitsiia kólemi 18 milliard teńgeni quraidy.
Dári-dármektermen jáne jeke qorǵanys quraldarymen jabdyqtaý jóninde qurylǵan tetik importqa táýeldi bolmaýǵa múmkindik beredi jáne COVID-19-dy ǵana emes, sonymen qatar basqa da aýrýlardy emdeý kezinde dári tapshylyǵyn azaitady.
