Ótken jolǵy úkimet otyrysynda premer-ministr Baqytjan Saǵyntaev Atyraý oblysynyń ákimi Nurlan Noǵaevqa eskertý jasaǵan edi. Óitkeni, munaily ólkeniń basshysy shaǵyn jáne orta biznesti qoldaýǵa Úkimet bólgen 692 million teńgeniń bir tiynyn da almaǵan bolyp shyqty. Búgingi otyrysta premer-ministr ákimnen sol jaǵdaiǵa bailanysty esep berýin surady, dep habarlaidy "Ult aqparat" Baq.kz portalyna silteme jasap.
«Baqytjan Ábdiruly, bul konkýrstardyń kesh ótýine bailanysty bolyp otyr. Biz muny jyl sońyna deiin sheshemiz», - dedi Noǵaev.
Al úkimet basshysy ákimmen daýlasýǵa qulyqsyz ekenin aityp, jyl sońynda taǵy da esep suraitynyn eskertti.
«Nurlan Asqaruly, bul másele týrasynda salǵylaspai-aq qoiaiyq. Jyl sońyna deiin kútemiz. Sol kezde esep beresiz», -dep qysqa qaiyrdy Baqytjan Saǵyntaev.
