QR Premer-Ministri Baqytjan Saǵyntaev Qyzylorda oblysyna jumys sapary aiasynda Aral óńiriniń jurtshylyǵymen jáne aktivimen Soltústik Araldy damytý máseleleri jóninde kezdesý ótkizdi, dep habarlaidy primeminister.kz.
Kezdesý barysynda Soltústik Aral jobalaryn iske asyrý, aýyl sharýashylyǵyn damytý, sonyń ishinde sýarmaly jerlerdi jaqsartý máseleleri talqylandy.
Búginde aýdan ekonomikasyn damytý boiynsha sharalar kesheni iske asyrylýda. Aral aýdanynyń biýdjeti jeti esege ulǵaityldy, sonyń arqasynda jańa óndiris oryndary men áleýmettik nysandar ashyldy. Memleket basshysynyń bastamasymen qurylǵan Araldy qutqarýdyń halyqaralyq qoryna 25 jyl toldy. Bul sheshim Aral mańy turǵyndary úshin ǵana emes, sondai-aq búkil el úshin mańyzdy oqiǵa boldy - Araldyń qazaqstandyq sektory qaita qalpyna keldi.
Qyzylorda oblysynyń ákimi Q. Kósherbaev Soltústik Aral jobalary týraly tolyǵyraq baiandap berdi.
Ákimniń aitýynsha, Araldy qaita qalpyna keltirýge bailanysty aimaq ekonomikasynyń jaqsarýynyń arqasynda Kaspii, Balqash jáne Qapshaǵaiǵa ketken balyqshylar óńirge qaita oralǵan.
QR Aýyl sharýashylyǵy ministrliginiń Sý resýrstary komitetiniń tóraǵasy I. Ábishev sýarmaly jerlerdi jaqsartý týraly baiandama jasady.
Budan ózge, máseleni talqylaý barysynda eńbek ardageri, Qazaq KSR balyq sharýashylyǵynyń burynǵy ministri Q. Sarjanov pikir bildirdi.
