Almaty ákimi Baqytjan Saǵyntaev qala turǵyndaryna videoúndeý jasady, - dep habarlaidy "Ult aqparat".
Saǵyntaev Almaty ákimi qyzmetine kirise otyryp, qala túrǵyndary aldyndaǵy zor jaýapkershiligin sezinetinin aitty.
"Qurmetti almatylyqtar! (...) Almaty - árqaisymyzdyń júregimizden erekshe oryn alǵan qala. Almatyǵa degen ár qazaqstandyqtyń yqylasy erekshe. Bul qala - meniń jastyǵymnyń, kásibi kemeldenýimniń kýási. Meniń basty maqsatym - Almatyny ár turǵyn berekeli ómir súretin qaýipsiz, qolaily, zamanǵa sai megapoliske ainaldyrý. Qalanyń problemalary men damý strategiialaryn sizdermen ashyq talqylaǵym keledi. Sizdermen tikelei bailanys ornatý úshin Facebook, Twitter, Instagram jelilerinde tirkeldim. Aqyldasa otyryp, birge jumys isteiik!", - dedi Almaty ákimi áleýmettik jelidegi paraqshasynda.
Eske salaiyq, 28 maýsymda Baqytjan Saǵyntaev Almaty qalasynyń ákimi bolyp taǵaiyndaldy. Oǵan deiin Saǵyntaev Prezident Ákimshiliginiń basshysy qyzmetinde bolǵan edi. Ol ákimshilik basshysy qyzmetin 2019 jyldyń 24 naýryzynan bastap atqardy.
