«Baqytty otbasy» baǵdarlamasyn iske asyrýǵa qosymsha 20 milliard teńge bólindi, dep habarlaidy "Ult aqparat".
«Otbasy Bank» turǵyn úi qurylys jinaq banki AQ «Baqytty otbasy» baǵdarlamasy boiynsha ótinimder limitin 5000-nan 7500-ǵa deiin arttyrdy.
Baǵdarlamanyń áleýmettik mańyzy joǵary ekenin eskere otyryp, osy maqsattarǵa memlekettik biýdjetten qosymsha 20 mlrd teńge bólinetin boldy.
12 sáýirden bastap 26 mamyrǵa deiingi aralyqta bank saitynda «Baqytty otbasy» baǵdarlamasyna qatysýǵa ótinimder qabyldandy.
Barlyǵy - 37 592 ótinim. Búgin bank saitynda 16:00 nátije shyqty. Ony JSN nemese ótinim nómiri boiynsha tekserýge bolady.
Ótinishterdi bólý kezinde Senat janyndaǵy múmkindigi shekteýli jandardyń ómir súrý sapasyn jaqsartý boiynsha usynystar ázirleý jónindegi jumys tobynyń, sondai-aq «Nur-Otan» partiiasy janyndaǵy halyqty jumyspen qamtýdy jáne halyqtyń áleýmettik osal toptaryn qoldaý jónindegi respýblikalyq qoǵamdyq keńestiń usynystary eskerilip, múmkindigi shekteýli balalardy tárbielep otyrǵan otbasylarǵa jáne kópbalaly otbasylarǵa basymdyq beriledi.
Múmkindigi shekteýli balalardy tárbielep otyrǵan otbasylardyń negizgi áleýmettik máseleleriniń biri – turǵyn úi jáne turmystyq máseleler.
Bul otbasylar atalmysh máselelerdi óz kúshimen eńsere almaǵandyqtan, olar áleýmettik kómek pen qoldaýǵa muqtaj.
Sonymen qatar, mundai otbasynda ekonomikalyq máseleler jii kezdesedi.
Múmkindigi shekteýli balasy bar otbasylarda materialdyq qamsyzdandyrý deńgeii basqa otbasylarǵa qaraǵanda tómen.
Bul birqatar sebepterge bailanysty: jumystan májbúrli túrde ketý; qysqartylǵan jumys kúnin rásimdeý; jalaqy joǵaltýmen bailanysty jumysty májbúrli túrde ózgertý; balany emdeý jáne saýyqtyrý úshin aqysyz eńbek demalysyn rásimdeý; dári-dármektiń tapshylyǵy; qosalqy tehnikalyq quraldar men arnaiy quraldardy satyp alý, meditsinalyq keńesshilerge aqy tóleý jáne t.b. shyǵyndar.
Baǵdarlama sheńberinde qabyldanǵan ótinimderdi bólý myna tártippen júrgiziledi:
1) «Múmkindigi shekteýli balalar tárbielep otyrǵan otbasylar» sanaty boiynsha Bank saitynda berilgen ótinimder sanynyń 100% mólsherinde (4117 ótinim).
2) «Kóp balaly otbasylar» (onyń ishinde «Altyn alqa», «Kúmis alqa», «Ana dańqy» I jáne II dárejeli nagradalary bar nemese «Batyr ana» ataǵy bar kóp balaly analar) (2682 ótinim).
3) «Tolyq emes otbasy» (700 ótinim).
Negizgi tizimge enbegen úmitkerler rezerv tizimge negizgi tizim jasalatyn tártipke uqsas tártippen engiziledi.
Úmitkerler bolmaǵan jaǵdaida, qatysý ótiniminiń kúshi joiylǵan jaǵdaida, nesielendirýge qarajat bolǵan jaǵdaida (sonyń ishinde bosatylǵan / qaitarylatyn) qarajattyń bolýy, negizgi tizimdegi úmitkerlerdiń nesielik ótinimi maquldaýdan ótpegen jaǵdaida, bul orynǵa rezerv tizimdegi úmitkerler shaqyrylady:
«Kópbalaly otbasylar» (onyń ishinde «Altyn alqa», «Kúmis alqa», «Ana dańqy» I jáne II dárejeli nagradalary bar nemese «Batyr ana» ataǵy bar kópbalaly analar), negizgi tizimdegi úmitkerlerdiń dárejesi aiaqtalǵannan keiin.
«Tolyq emes otbasylar» negizgi tizimdegi dál osy «Tolyq emes otbasy» sanatyndaǵy úmitkerlerdiń dárejesi aiaqtalǵannan keiin.
