Foto: atpress.kz
Atyraý qalalyq №2 soty Atyraý oblysy ákiminiń eks-orynbasary Baqytgúl Hamenovaǵa qatysty qylmystyq is boiynsha úkim shyǵardy, - dep habarlaidy Tengrinews.kz.
Eske salaiyq, Baqytgúl Hamenovaǵa aldyn ala kelisim boiynsha para aldy degen aiyp taǵylǵan bolatyn.
Sot ony kináli dep taýyp, jeti jylǵa bas bostandyǵynan aiyrý jazasyn taǵaiyndady. Oblystyq sottyń baspasóz qyzmeti málimetinshe, Hamenovanyń kámeletke tolmaǵan balasynyń bolýyna bailanysty jazany óteý úsh jylǵa shegerilgen.
31 qazanda Hamenovanyń isi boiynsha Atyraýdyń №2 sotynda taraptardyń jaryssózderi bastalǵan edi. Prokýrorlar sottalýshyny jeti jylǵa bas bostandyǵynan aiyrýdy surady.
"Múlki tárkilenip, memlekettik qyzmet atqarý quqyǵynan ómir boiyna aiyra otyryp, jeti jylǵa bas bostandyǵynan aiyrý taǵaiyndalsyn. Merzimi ortasha qaýipsizdik mekemesinde ótelsin. Sondai-aq, Hamenova "Qurmet" ordeninen aiyrylsyn. Sottalýshynyń kámeletke tolmaǵan balasy bolýyna bailanysty jazany úsh jylǵa deiin shegerýdi suraimyn", - degen edi prokýror Laýra Asanova.
