Foto: AtyrauPress
Atyraý qalalyq №2 sotynda Atyraý oblysy ákiminiń eks-orynbasary Baqytgúl Hamenovaǵa qatysty sot úkimi shyǵar aldynda sottalýshylardyń sońǵy sózi tyńdaldy, - dep habarlaidy Tengrinews.kz agenttigi AtyrauPress-ke silteme jasap.
Birinshi bolyp para berdi degen kúdikke ilingen "Balqytý" JShS basshysy Ómirtai Adamov sóz aldy. Ol sottan jazasyn aiyppulmen nemese jazasyn koloniia-qonysta óteýmen jeńildetýdi surady. Sottalýshy múgedek uldary men sańyraý-mylqaý kelinderi bar ekenin aityp, sottan onyń zeinetkerlik jasyn da eskerýin surady.
Hamenova da sońǵy sózin aitty.
"Sottalýshy Rysqaliev pen Adamovtyń kinási dáleldendi. Olar da qylmystyń jai-japsaryn jasyrmai aityp, kinálaryn moiyndady. Sondyqtan meniń bul iske qatysym bolmaǵany anyq. Memlekettik aiyptaýshy, ony kórmegen nemese óziniń qylmystyq kemshilikterin moiyndaǵysy kelmegen. Meniń aiǵaqtarym boiynsha sot Rysqaliev pen Adamovqa jeke qaýly shyǵarýy kerek jáne nátijesinde osy qylmystyq isti oidan shyǵarǵandarǵa qatysty qylmystyq is qozǵalýy tiis. Meni aqtaýdy suraimyn. Men qylmysker emespin jáne kinásizdigimdi dáleldeý úshin sońyna deiin baramyn", - dedi Hamenova.
Eske salaiyq, Atyraý oblysy ákiminiń orynbasary Baqytgúl Hamenova para aldy degen kúdikpen ustalǵan bolatyn. Atyraý oblysynyń arnaiy tergeý soty oblys ákiminiń orynbasary Baqytgúl Hamenovany úiqamaqqa alý týraly sheshim shyǵardy.
Onymen birge oblystyq mádeniet basqarmasynyń basshysy Aqylbek Rysqaliev te ustaldy.
