Atyraý oblysy ákiminiń orynbasary Baqytgúl Hamenova tergeý izoliatoryna qaita qamaldy, dep habarlady jergilikti Sputnik agenttigi "Aq Jaiyq" basylymyna silteme jasap.
Mundai bultartpaý sharasyn Atyraý oblysynyń soty 22 jeltoqsanda sanktsiialady. Endi Hamenova eki ai tergeý izoliatorynda otyrýy kerek.
Baqytgúl Hamenovany tutqyndaý týraly Atyraý oblysynyń prokýratýrasy ótinish bildirdi.
Aita keteri, 12 jeltoqsanda Atyraý qalasynyń mamandandyrylǵan tergeý soty Hamenovany úiqamaqqa alý týraly sheshim shyǵardy. Is Qylmystyq kodekstiń 366-baby 2-bóligi ("qomaqty mólsherde para alý") boiynsha tergelip jatyr.
Hamenova men oblystyń mádeniet basqarmasynyń basshysy Aqylbek Rysqaliev Atyraýda Abai eskertkishin ornatýǵa memlekettik satyp alý shartyn jasaǵany úshin 4,5 million teńge kóleminde para aldy degen kúdikke ilindi.
Baqytgúl Hamenova týraly ne bilemiz?
Baqytgúl Hamenova 2017 jyldyń kókteminde májilis depýtaty bolyp turǵan kezde áleýmettik jelide tanymal boldy. Ol elordadaǵy Astana áýejaiyna sol kezdegi prezident Nursultan Nazarbaevtyń atyn berý týraly usynys aitty.
Astana áýejaiy 2017 jyldyń maýsymynda Nazarbaevtyń qurmetine ózgertildi.
