Búgin Atyraý oblysy ákiminiń orynbasary bolyp Baqytgúl Hamenova taǵaiyndaldy, dep habarlaidy "Ult aqparat".
Atyraý oblysynyń ákimi Mahambet Dosmuhambetov jańa orynbasardy aktiv jinalysyna tanystyrdy.
Buǵan deiin Baqytgúl Qaiyrjanqyzy QR Parlament Májilisiniń depýtaty bolǵan edi.
Ol H. Dosmuhamedov atyndaǵy Atyraý memlekettik ýniversitetin qazaq tili jáne ádebieti pánderiniń muǵalimi mamandyǵymen, ál-Farabi atyndaǵy Qazaq ulttyq ýniversitetiniń aspirantýrasyn bitirgen. Keiin Atyraý munai jáne gaz institýtyn, M. Ótemisov atyndaǵy Batys Qazaqstan memlekettik ýniversitetin támamdaǵan. Filologiia ǵylymdarynyń kandidaty.
1999-2001 jyldary Atyraý oblystyq teleradio-aqparattyq kompaniiasynyń diktory, redaktory, 2001-2004 jyldary Atyraý munai jáne gaz institýtynyń qazaq jáne orys tilderi kafedrasynyń oqytýshysy, H. Dosmuhamedov atyndaǵy Atyraý memlekettik ýniversitetiniń elitarlyq mektebi direktorynyń tárbie jumysy jónindegi orynbasary bolyp jumys istegen.
2004-2005 jyldary «Rahat TV» Atyraý teleradio habarlaryn taratý filialy qazaq redaktsiiasynyń tilshisi, 2005-2016 jyldary Atyraý Kaspii óńiriniń qazirgi zamandaǵy kolledjiniń direktory bolǵan.
2016 jylǵy 24 naýryzdan altynshy sailanǵan Qazaqstan Respýblikasy Parlamenti Májilisiniń depýtaty.
«Nur Otan» partiiasynyń múshesi, partiianyń Saiasi keńesiniń múshesi, QR Prezidentiniń Alǵys hatymen, Ybrai Altynsarin, «Bilim berý isiniń qurmetti qyzmetkeri», «Belsendi qyzmeti úshin» tósbelgilerimen, «Qurmet» ordenimen marapattalǵan.
