Májilis depýtaty Baqytbek Smaǵul jastardy áskerge májbúrlep áketý jóninde óz pikirin bildirdi, dep habarlaidy QazAqparat.
«Qazaqstannyń Qarýly Kúshteri qansha aqtalsa da, jalpy qoǵamdy mundai uiatty jaǵdaidy qalyptastyrýǵa bolmaidy. Áskeri komissariattardyń shaqyrý qaǵazy bolsyn, aldyn ala taratsyn, adamdardy kósheden ustap, emtihan tapsyrǵandardy súireleýi – uiat nárse. Áskerge sol azamattardyń qyzyǵýshylyǵyn, qushtarlyǵyn oiatýymyz kerek, Otanǵa degen súiispenshilikti syldyr sózben emes, móldir sezimmen, júrek kózimen kóretindei jastarǵa nasihattaýymyz kerek», - dedi Smaǵul.
Depýtattyń aitýynsha, áskeri jýrnalister Qarýly Kúshter jasaǵan erlikterdi kóptep nasihattaǵany jón, áskeri salanyń jaqsy jaǵyn da kórsete bilý kerek.
«Áskerdegi kóptegen keleńsiz jaǵdailar men máselelerdi túbegeili sheship, úlken ózgerister jasaýymyz kerek. Áskerdi, Otanǵa degen qurmetti, mahabatty oiatý kerek. Kásibi áskerdi de naqty suryptaý kerek. Áleýmettik qamtylýy taǵy bar. Sondyqtan áskerge erekshe mán berý kerek. Óitkeni, áskeri qaýqarsyz el jaltaq bolady. Áskeri jazalar da qatań oryndalýǵa tiisti, sonda ǵana ózimizdi suryptai alamyz. Kelip jatqan serjanttar da, olardyń daiyndyqtary da álemdik deńgeidegi talaptarǵa sai bolýy kerek», - dedi Baqytbek Smaǵul.
