Búgin QR Úkimetinde ótken baspasóz konferentsiiasynda QR saýda jáne integratsiia ministri Baqyt Sultanov eksportty damytý jáne qazaqstandyq ónim sapasyn arttyrý turǵysynan QR Prezidentiniń Joldaýyn iske asyrý týraly aityp berdi, dep habarlaidy "Ult aqparat".
Ministr Memleket basshysy Q. Toqaev qazaqstandyq ónim sapasyn arttyrýdyń mańyzdylyǵyna birneshe márte toqtalyp ótkenin aitty. Otandyq óndirýshilerge óz ónimderiniń sapasyn jaqsartýǵa umtylýy úshin barlyq jaǵdai jasalýy tiis.
«Sheteldik balamasyna qaraǵanda sapasy nashar jáne qymbat ónimdi satyp ala almaimyz. Bul maqsat qazaqstandyq ekonomikany damytý jónindegi josparlarda túiindi bolýda, olar Prezidenttiń sailaýaldy baǵdarlamasynda jáne jýyrda Qazaqstan halqyna arnaǵan Joldaýynda da atalyp ótti. Sondyqtan biz tehnikalyq retteý salasyna ekpin jasap otyrmyz», — dedi saýda jáne integratsiia ministri B. Sultanov.
Saýda jáne integratsiia ministri QR tehnikalyq talaptary boiynsha sapasyn dáleldemegen taýarlardy elimizge ákelýge tyiym salýdy usyndy. Máselen, shartty shyǵarý rásimi engizildi — taýar 2 ai ishinde kedendik resimdeýge, synaqtan ótýge jáne sáikestik sertifikatyn alýǵa mindetti. Sonyń nátijesinde importtyq ónimniń jii sertifikattaý rásiminen qashqaqtap, qazaqstandyq naryqta «jaiylyp ketetini» baiqaldy.
«Sondyqtan Saýda jáne integratsiia ministrligi shartty shyǵarý rásimin joiýdy usynady. Tehnikalyq retteý júiesi distribiýtorlarǵa, alyp satarlarǵa sapasyz taýarlardy ákelip, naryqta “sur” sertifikattardy satyp alýǵa kedergi keltiretin bolady dep boljanýda», — dedi ministr.
B. Sultanov Ministrlik osy naryqty joiý jumystaryn júrgizip jatqanyn aitty. Sonymen qatar, túrli quraldar qoldanylatyn bolady: zamanaýi jáne zańnamalyq deńgeide.
Buǵan qosa, B. Sultanov «sur» sertifikattardy jáne burmalanǵan qujattardy berýdi anyqtaý boiynsha Ulttyq akkreditatsiia ortalyǵy jumysyn bastaǵanyn aitty.
«Biz adal kásipkerlerdi birigip, bizben birlesip, osyndai alaiaqtyq shemalardan ishki naryqty qorǵaýǵa shaqyramyz», — dedi ministr.
Sonymen qatar, ministr mundai «importtyq qoqysqa» tosqaýyl qoiýdy jáne aldyn ala synaqtarsyz ónimdi Qazaqstan aýmaǵyna kirgizýge tyiym salýdy usynatynyn jetkizdi. Iaǵni importtaýshy Qazaqstan naryǵyna qoiǵysy keletin taýardyń sapasyn, onyń QR tehnikalq talaptaryna sáikestigin aldyn ala rastap, keiin onyń shekaradan ótýine quqyq alǵany durys bolady.
B. Sultanov tiisti infraqurylym qurylatynyn aitty: Qazaqstanda da. shetelde de zerthanalar, akkreditatsiialyq ortalyqtar qurylady, ol arqyly adal jetkizýshilerdiń taýarlary esh kedergisiz barlyq baqylaý-qadaǵalaý organdarynan ótip, túpkilikti satyp alýshylarǵa qoljetimdi bolarlyqtai sórelerge qoiylady. Zerthanalyq bazany damytý jumystary júrgizilip jatyr.
Kóleńkeli ainalymǵa jáne kontrafaktige qarsy is-qimyldyń pármendi quraldarynyń biri — taýarlardy tańbalaý jáne qadaǵalaý júiesin engizý.
«Keibir kásipkerler ózderine qosymsha júkteme júkteledi dep oilaidy. Joq, olai emes. Biz júktemesi barynsha az júie qurǵymyz keledi, degenmen júie bizneske kontrafaktilik ónimnen qosymsha qorǵaityn jáne naryqta básekeni qorǵaý júiesin qurýǵa múmkindik beredi», — dedi ministr.
Qazir tańbalaý boiynsha pilottyq jobalar temeki men alkogol ónimderinde, aiaq qiimde, dári-dármek zattarynda qoldanylady. Ótken jyly tondardy tańbalaý boiynsha pilottyq joba iske asyryldy. QR Saýda jáne integratsiia ministrliginiń málimetteri boiynsha, pilottyq jobalar naryqtaǵy ónim sapasy men básekelestigine osy tetiktiń oń yqpalyn kórsetti. B. Sultanov tańbalaý tetigin engizýden Qazaqstannyń ekonmikasyna oń mýltiplikativti tiimdilikti kútilip otyrǵanyn aitty.
Sonymen qatar, sapa standarttary halyqaralyq talaptarǵa sáikes qaita qaralýda.
«Búgingi kúni tehnikalyq retteý – bul Qazaqstanda qarapaiym zattar ekonomikasyn qoldaýdyń tekseristen ótken pármendi quraldarynyń biri. Is júzinde josyqsyz importtan bógeitin, protektsionistik shara», — dep naqtylady B. Sultanov.
Standarttardy qaita qaraý bizdiń ónimimizdiń básekege qabilettiligin jaqsartýǵa jáne qazaqstandyq taýrlardy syrtqy naryqtarǵa erkin shyǵarýdy qamtamasyz etýge múmkindik beredi.
Mysaly, eger otandyq jihazdyń standarty eýropalyq standartqa sáikes keletin bolsa, onda osy qazaqstandyq oryndyq, ústel nemese kreslo Eýropa elderiniń naryǵyna qoljetkizetin bolady. Iaǵni sapasy boiynsha olar birdei bolady, tek baǵasy boiynsha ǵana básekeles bolady.
Sonymen qatar, joǵary standart boiynsha jasalǵan sapaly ónim transulttyq saýda jelileri arqyly satyla alady.
