QR Prezidenti Qasym-Jomart Toqaevtyń Jarlyǵymen Baqyt Sultanov Qazaqstan Respýblikasynyń Saýda jáne integratsiia ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
«Baqyt Turlyhanuly Sultanov Qazaqstan Respýblikasynyń Saýda jáne integratsiia ministri bolyp taǵaiyndalsyn», - delingen Jarlyq mátininde.
Baqyt Turlyhanuly 1971 jyly Almaty qalasynda týǵan. Qazaq ulttyq tehnikalyq ýniversitetin jáne Qazaq memlekettik basqarý akademiiasyn bitirgen. Mamandyǵy injener-elektrik, ekonomist.
1994-1997 jj. - QR Qarjy ministrliginiń jetekshi ekonomisi, memlekettik baǵaly qaǵazdar basqarmasy bastyǵynyń orynbasary - bólim bastyǵy.
1996-1997 jj. - QR Qarjy ministrligi janyndaǵy Qazynashylyq memlekettik qaryz jáne kassalyq qarjy basqarmasy bastyǵynyń orynbasary.
1997-1998 jj. - QR Qarjy ministrligi biýdjettik departament direktorynyń orynbasary, memlekettik satyp alý jónindegi departament direktory.
1998-1999 jj. - QR Qarjy ministrligi Qazynashylyq departamenti direktorynyń orynbasary.
1999-2002 jj. - QR Qarjy ministrligi biýdjettik departament direktorynyń orynbasary, memlekettik biýdjet departamenti direktorynyń orynbasary, direktory.
2002-2003 jj. - QR Ekonomika jáne biýdjettik josparlaý ministrligi biýdjettik saiasat departamentiniń direktory.
2003-2006 jj. - QR Ekonomika jáne biýdjettik josparlaý ministriniń orynbasary.
2006-2007 jj. - QR Statistika jónindegi agenttiginiń tóraǵasy, QR Qarjy ministriniń orynbasary.
2007-2010 jj. - QR Ekonomika jáne biýdjettik josparlaý ministri.
2010 jylǵy naýryzda Qazaqstan Respýblikasy Prezidentiniń kómekshisi bolyp taǵaiyndaldy.
2012 jyldyń qańtar-qarasha aralyǵynda QR Prezidenti Ákimshiligi Basshysynyń orynbasary qyzmetin atqardy.
2013 jyldyń qarashasynan 2014 jyldyń tamyzyna deiin QR Premer-Ministriniń orynbasary-QR Qarjy ministri.
2014 jyldyń tamyzynan 2018 jyldyń qyrkúiegine deiin QR Qarjy ministri.
2018 jyldyń qyrkúieginen 2019 jyldyń maýsym aiyna deiin Nur-Sultan qalasynyń ákimi.
