QR Saýda jáne integratsiialar ministri Baqyt Sultanov «Ulttyq taýar ótkizý júiesin iske qosýdyń ne sebepti keshiktirilgenin túsindirdi, dep habarlaidy QazAqparat.
Keshe Prezident Qasym-Jomart Toqaev azyq-túlik ónimderiniń naqty jáne baǵalyq qoljetimdiligin qamtamasyz etý, azyq-túlik qaýipsizdiginiń is júzindegi kórsetkishterine qol jetkizý boiynsha birqatar naqty tapsyrmalar bergen edi.
«Ulttyq taýar ótkizý júiesin iske qosýǵa qatysty shynynda da, bul jobany júzege asyrý birqatar sýbektivti jáne obektivti sebepterge bailanysty keshiktirildi. Atap aitqanda, biýdjetke júktemeni tómendetý maqsatynda qańtar-aqpanda qarjylandyrý sharttary ózgergen jobany memlekettik jekeshelik áriptestik sharty sheńberinde memleket mindettemesiniń deńgeiin qaita qaraýdy talap etti», - dedi ministr Úkimet úiinde ótken baspasóz máslihatynda.
Sultanovtyń aitýynsha, qarjylandyrý quraldaryn qaita qaraý jáne oǵan jańa investorlardy tartý boiynsha konsortsiýmmen kelissózder júrgizildi.
«Memleket basshysynyń eskertýlerin eskere otyryp, biz ulttyq taýar ótkizý júiesin qurýdyń qoldanystaǵy modelin qaita qaraý jumystaryn bastadyq. Qazir biz múddeli investorlardy tarta otyryp, kóterme saýda ortalyqtaryn qurýdyń birneshe balama stsenariilerin qarastyryp jatyrmyz. Osyǵan bailanysty, belgilengen merzimde iaǵni biylǵy qazan aiyna deiin tiisti tásilder Memleket basshysyna baiandalady», - dedi Baqyt Sultanov.
Eske sala ketsek, keshe Úkimettiń keńeitilgen otyrysynda Memleket basshysy Qasym-Jomart Toqaev qant tapshylyǵyn rettei almaǵan Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeevke sógis jariialady.
