قر ساۋدا جەنە ينتەگراتسييالار مينيسترٸ باقىت سۇلتانوۆ «ۇلتتىق تاۋار ٶتكٸزۋ جٷيەسٸن ٸسكە قوسۋدىڭ نە سەبەپتٸ كەشٸكتٸرٸلگەنٸن تٷسٸندٸردٸ, دەپ حابارلايدى قازاقپارات.
كەشە پرەزيدەنت قاسىم-جومارت توقاەۆ ازىق-تٷلٸك ٶنٸمدەرٸنٸڭ ناقتى جەنە باعالىق قولجەتٸمدٸلٸگٸن قامتاماسىز ەتۋ, ازىق-تٷلٸك قاۋٸپسٸزدٸگٸنٸڭ ٸس جٷزٸندەگٸ كٶرسەتكٸشتەرٸنە قول جەتكٸزۋ بويىنشا بٸرقاتار ناقتى تاپسىرمالار بەرگەن ەدٸ.
«ۇلتتىق تاۋار ٶتكٸزۋ جٷيەسٸن ٸسكە قوسۋعا قاتىستى شىنىندا دا, بۇل جوبانى جٷزەگە اسىرۋ بٸرقاتار سۋبەكتيۆتٸ جەنە وبەكتيۆتٸ سەبەپتەرگە بايلانىستى كەشٸكتٸرٸلدٸ. اتاپ ايتقاندا, بيۋدجەتكە جٷكتەمەنٸ تٶمەندەتۋ ماقساتىندا قاڭتار-اقپاندا قارجىلاندىرۋ شارتتارى ٶزگەرگەن جوبانى مەملەكەتتٸك جەكەشەلٸك ەرٸپتەستٸك شارتى شەڭبەرٸندە مەملەكەت مٸندەتتەمەسٸنٸڭ دەڭگەيٸن قايتا قاراۋدى تالاپ ەتتٸ», - دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
سۇلتانوۆتىڭ ايتۋىنشا, قارجىلاندىرۋ قۇرالدارىن قايتا قاراۋ جەنە وعان جاڭا ينۆەستورلاردى تارتۋ بويىنشا كونسورتسيۋممەن كەلٸسسٶزدەر جٷرگٸزٸلدٸ.
«مەملەكەت باسشىسىنىڭ ەسكەرتۋلەرٸن ەسكەرە وتىرىپ, بٸز ۇلتتىق تاۋار ٶتكٸزۋ جٷيەسٸن قۇرۋدىڭ قولدانىستاعى مودەلٸن قايتا قاراۋ جۇمىستارىن باستادىق. قازٸر بٸز مٷددەلٸ ينۆەستورلاردى تارتا وتىرىپ, كٶتەرمە ساۋدا ورتالىقتارىن قۇرۋدىڭ بٸرنەشە بالاما ستسەنارييلەرٸن قاراستىرىپ جاتىرمىز. وسىعان بايلانىستى, بەلگٸلەنگەن مەرزٸمدە ياعني بيىلعى قازان ايىنا دەيٸن تيٸستٸ تەسٸلدەر مەملەكەت باسشىسىنا باياندالادى», - دەدٸ باقىت سۇلتانوۆ.
ەسكە سالا كەتسەك, كەشە ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ قانت تاپشىلىعىن رەتتەي الماعان ساۋدا جەنە ينتەگراتسييا مينيسترٸ باقىت سۇلتانوۆ پەن اۋىل شارۋاشىلىعى مينيسترٸ ەربول قاراشٶكەەۆكە سٶگٸس جارييالادى.
