Búgin «Astana» kontsert zalynda qala ákimi Baqyt Sultanov kópbalaly analardy ózi qabyldady, dep habarlaidy elorda ákimdiginiń resmi saity.
Ákim Baqyt Sultanovtyń kópbalaly analarmen kezdesýi «Ashyq esik kúni» aiasynda ótti. Qala turǵyndary «Astana» kontsert zalyna kelip, ózderin alańdatqan suraqtardy qoia aldy. Baqyt Sultanov jinalǵandar aldynda sóz sóilep, kópbalaly analardyń birde-bir ótinishi jergilikti atqarýshy organdardyń nazarynan tys qalmaitynyn aitty.
«Ai bastalǵaly beri aýdan ákimdikteri men beiindi basqarmalar azamattardy qabyldaýdy júrgizip jatyr. Nátijesinde asa muqtaj otbasylardyń derekter bazasy quryldy, naqty qajettilikteri men problemalary anyqtaldy. Birinshi kezeńde azyq-túlik, kómir, mektep quraldarymen kómek kórsetildi. Bizdiń tarapymyzdan ár otbasyn qoldaý jóninde josparly sharalar ázirlendi», - dedi Baqyt Sultanov.
Onyń aitýynsha, qalanyń shetki alaptaryn eski jáne apattyq jaǵdaidaǵy úilerdi súrý baǵdarlamasyna qosý máselesi jaqyn arady sheshimin tabatyn bolady.
«Biz az qamtylǵan jáne kómekke asa muqtaj otbasylardy, onyń ishinde kópbalaly otbasylardy mýnitsipaldyq turǵyn úimen qamtamasyz etýge tiispiz», - dedi ákim.
Baqyt Sultanov atap ótkendei, qiyndyq kórip otyrǵan árbir otbasy úshin «Jumyspen qamtýdyń jol kartasy», «Biznestiń jol kartasy» baǵdarlamalarynyń múmkindikteri, áleýmettik qoldaý jáne ataýly áleýmettik kómek tetikteri paidalanyla otyryp, qoldaý quraldary anyqtalatyn bolady. Sondai-aq, azamattardy jumysqa ornalastyrý máselesi de sheshilmek.
«Biz azamattardyń qala úshin basym baǵyttar boiynsha biliktiligin arttyryp keiinnen jumysqa ornalasýǵa kómektesemiz. Sondai-aq, qolda bar aqparattyń negizinde kómek kórsetý, sonyń ishinde turǵyn úi sertifikattaryn tapsyrý múmkindigin usyný úshin resýrstardy jumyldyrý algoritmin ázirlenedi», dedi B. Sultanov.
Suraq qoiǵysy keletinderdiń qarasy qalyń ekendigin eskerip, Astana qalasynyń ákimi Baqyt Sultanov aýdan ákimderimen jáne barlyq basqarmalardyń basshylarymen birge azamattardy jeke qabyldaýdy jalǵastyrdy.
«Qala turǵyndarynyń barlyq aryzdary men ótinishteri jedel túrde júielendirilip, taldanyp, kópbalaly otbasylardy qoldaýdy kúsheitý jónindegi QR Úkimeti janynan qurylǵan jumys tobynyń qaraýyna joldandy», - dedi ákim.
