Elordada jańbyr sýlaryn jinaý alańy 10 gektarǵa ulǵaiady. Bul týraly búgin Úkimettiń selektorlyq rejimdegi otyrysynda elordanyń 2019-2023 jyldarǵa arnalǵan jinaqy qurylysy jónindegi keshendi jospary jobasyn tanystyrǵan Astana ákimi baqyt Sultanov aitty, dep habarlaidy QazAqparat tilshisi.
«Naqty sheshimdi qajetsinetin Astananyń ózekti máseleleriniń biri - nóser kárizi. 2019 jyldyń sońyna qarai nóser káriziniń qolda bar tazalaý qurylystaryn rekonstrýktsiialaý jáne jańalaryn salý jumystaryn ótkizý josparlanady. Bul 17 myń gektar aýdandy qamtýǵa jáne jer ústindegi sýlardyń kedergisiz ketýine múmkindik beredi», - dedi Baqyt Sultanov.
Onyń aitýynsha, sý jinaýdyń jalpy alańy 13 myń gektardan 23 myń gektarǵa deiin ósedi. Bul 2030 jylǵa deiin igerý alańynyń 66 paiyzǵa nemese 2020 jylǵa nóser kárizi jelisine aǵyn sýlar alańynyń 96,5 paiyzyn quraidy.
«Halyqty sapaly qyzmettermen qamtamasyz etý úshin 150 shaqyrym sýmen qamtý jelilerin jáne 81 shaqyrym sý burý jelilerin salý kútilýde», - dedi elorda ákimi.
