Premer-Ministrdiń orynbasary – Saýda jáne integratsiia ministri Baqyt Sultanov «Damý» kásipkerlikti damytý qory» AQ direktorlar keńesiniń tóraǵasy bolyp qaita sailandy.
Bul týraly Qazaqstan qor birjasynyń (KASE) resmi saityna jariialanǵan habarlamada aitylǵan, dep jazady QazAqparat.
«Damý» kásipkerlikti damytý qory» AQ direktorlar keńesiniń 2022 jylǵy 14 sáýirdegi sheshimimen B.Sultanov qordyń direktorlar keńesiniń tóraǵasy bolyp sailanǵany týraly birjaǵa habarlaidy», - delingen jazbada.
Onda engizilgen ózgerister eskerilip, «Damý» kásipkerlikti damytý qory« AQ direktorlar keńesi jeti adamnan turatyny da málimdelgen.
Olardyń qatarynda B.Sultanov, E.Bahmýtova, R.Batalov, A.Nurǵalieva, T.Jaksylyqov, A.Muhamedjanov, G.Bóribaeva bar.
Eske sala keteiik, Baqyt Sultanov biylǵy 4 aqpan kúni qordyń direktorlar keńesiniń tóraǵasy bolyp sailanǵan. Sodan keiin keńes 8 adamnan turǵan bolatyn.
