QR Saýda jáne integratsiia ministri Baqyt Sultanov jaz ailarynda qandai jumystarmen ainalysqany týraly aitty, dep habarlaidy "Ult aqparat".
«Keiingi kezde jańa qyzmetime bailanysty kóp issaparlarǵa bardym. Jańadan qurylǵan Saýda jáne integratsiia ministrligine qoiylǵan negizgi mindettemelerdiń biri – ol Qazaqstannyń taýarlaryn syrtqa eksporttalýyn ilgeriletý, sondai-aq ishki naryqtaǵy saýda-sattyqtyń sapasyn arttyrý. Osy oraida, qazaqstandyq óndirýshiler úshin kóp júrip, mańyzdy jumystar jasaityn bolamyz», - dedi ministr.
Budan bólek B. Sultanov vedomstvonyń jumys barysyn baiandaý boiynsha tilshiler qaýymymen jii kezdesýge ýáde etti.
«Munymen qosa, áleýmettik jelilerdegi akkaýnttardyń jumysyn qaitadan jandandyramyn dep ýáde bergim keledi. Jalpy, Memleket basshysynyń sheshimimen ministrlik ýaqtyly qurylyp otyr. Óitkeni búginde syrtqy ekonomikalarda bolyp jatqan oqiǵalarǵa bailanysty, sonyń ishinde «saýda soǵystary», integratsiialardaǵy ózgeristerge orai qazaqstandyq taýarlardyń básekege qabilettiligin arttyrý men eksportty ulǵaitý óte ózekti. Sondyqtan ministrliktiń jumysynda, ózimizdiń strategiiamyzda atalǵan mindettemelerge airyqsha mán berýdemiz», - dedi Baqyt Sultanov.
Eske salsaq, biyl maýsym aiynda QR Prezidenti Qasym-Jomart Toqaevtyń Jarlyǵymen Baqyt Sultanov Qazaqstan Respýblikasynyń Saýda jáne integratsiia ministri bolyp taǵaiyndaldy.
Sonymen qatar, Memleket basshysy jańadan qurylǵan ministrlikke birqatar mindet júktedi.
