«Sailaýdy partiialyq emes baqylaý ortalyǵy» RQB baqylaýshylar jumysynyń qorytyndysy boiynsha pikir bildirdi, dep habarlaidy "Ult aqparat".
"Aýyldyq okrýgterdiń ákimderin sailaýdy baiqaý protsesin qamtamasyz etý maqsatynda sailaýdy partiialyq emes baqylaý ortalyǵy (budan ári - ortalyq) quryldy.
Ortalyq qyzmetiniń negizgi baǵyty sailaýdy, onyń ishinde sailaý ýchaskelerinde baqylaý men monitoring júrgizý arqyly sailaý protsesine júieli túrde qatysý bolyp tabylady. Ortalyqtyń filialdary elimizdiń barlyq óńirlerinde ornalasqan.
«Sailaýdy partiialyq emes baqylaý ortalyǵy» RQB 2021 jylǵy 25 shildede aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin sailaýdy baiqaýǵa belsendi qatysty.
Daýys berý kúni tańǵy saǵat 7.00-den bastap ortalyqtyń 2000-nan astam baiqaýshysy respýblikanyń barlyq oblystaryndaǵy eń shalǵai sailaý ýchaskelerin qosa alǵanda, 1845 sailaý ýchaskesinde daýys berýdi baqylaýǵa qatysty.
Óńirlerdegi sailaýdy baqylaý boiynsha partiialyq emes baqylaý ortalyǵynyń jumysyna 95 ÚEU seriktes tartyldy.
«Sailaýdy partiialyq emes baqylaý ortalyǵy» RQB janynda ahýaldyq ortalyq jumys istedi, onda óńirlerden kelip túsken derekter óńdeldi jáne taldandy. Óńirlik baiqaýshylar shtabtarymen jedel bailanys turaqty negizde saqtaldy jáne 14 oblysta filialdardyń basshylarymen jumysty úilestirý júrgizildi.
Barlyq baqylaýshylar ýchaskelerge qoldanystaǵy sailaý zańnamasyna, sondai-aq sanitarlyq-epidemiologiialyq normalardyń talaptaryna sáikes jiberildi.
Baiqaýshylar elektorattyń joǵary kelýin atap ótti. Sailaý komissiialarynyń jumysyna shaǵymdar men teris pikirler túsken joq, sailaý ýchaskelerinde eleýli buzýshylyqtar tirkelgen joq.
Buzýshylyqtarǵa qatysty, buzýshylyqtardyń basym bóligi tehnikalyq sipatta bolǵanyn jáne jergilikti jerlerdegi sailaý komissiialarynyń múshelerimen jedel joiylǵanyn atap ótken jón.
Anyqtalǵan buzýshylyqtardyń ishinde: jekelegen azamattardyń óz otbasy múshelerine daýys berý áreketteri; daýys berý kabinasyna eki adamnan kirý; keibir azamattardyń kýálandyratyn qujatsyz biýlleten alýǵa nieti; áleýmettik qashyqtyqty saqtamaýdyń jekelegen faktileri.
Bizdiń baiqaýshylarymyz osyndai 12 buzýshylyqty tirkedi. Jalpy, olar sailaý protsesiniń zańdylyǵy men ashyqtyǵyna áser etpedi.
Daýystardy sanaý protsesi shaǵym týdyrmady. Baqylaýshylar sailaý protsesiniń sońyna deiin boldy. Baiqaýshylar esepteý rásiminiń jariialylyǵy men ashyqtyǵyn atap ótti" delingen habarlamada.
«Budan ári partiialyq emes baqylaý ortalyǵy baqylaýshylardyń etika kodeksin ázirleýdi usynady. Ótken sailaý baiqaýshylardyń barlyǵy óz missiiasyn adal atqarmaityndyǵyn kórsetti. Baqylaýdyń negizgi maqsaty zańnamanyń saqtalýyn baqylaý bolǵanyna qaramastan, kóbinese baqylaýshylardyń ózderi zań talaptaryn eleýli túrde buzýǵa, sonyń ishinde beine túsirýdi júrgizýge jáne ýchaskelerdegi basqa da durys emes minez-qulyqqa jol beredi. Bul minez-qulyqtyń kóptegen faktileri sailaý zańnamasynyń bilim deńgeiiniń jetkiliksizdigimen nemese tájiribeniń joqtyǵymen bailanysty. Biraq sailaý protsesiniń bedelin túsirý úshin ádeii arandatýshylyq áreketter jasaityndar da bar. Sondyqtan baqylaý institýtyn kásibilendirýdiń jáne jalpy baqylaý protsesiniń barlyq qatysýshylary saqtaýy kerek biryńǵai normalardy ázirleýdiń ýaqyty keldi. Biz baqylaýshylardyń kásibi pýlyn daiyndaý úshin júieli jáne josparly túrde jumys isteitin bolamyz. Partiialyq emes baqylaý ortalyǵy baqylaýshylar etikasy kodeksin qurý týraly bastama kóteredi», - dedi «Sailaýdy partiialyq emes baqylaý ortalyǵy» RQB tóraǵasy Tólegen Kúnádilov.
