Syrtqy ister ministri Muhtar Tileýberdi bastaǵan qazaqstandyq delegatsiia SIM kezekten tys otyrysyna (SIMK) qatysty. Bul týraly "Ult aqparat" ministrliktiń baspasóz qyzmetine silteme jasap.
Atalǵan is-sharaǵa Ázerbaijan Syrtqy ister ministri Elmar Mamediarov, Qyrǵyzstan Syrtqy ister ministri Chingiz Aidarbekov, Túrkiia Syrtqy ister ministri Mevliýt Chavýshoglý, Ózbekstan Syrtqy ister ministri Abdýlaziz Kamilov jáne Majarstan Syrtqy jáne saýda ministriniń orynbasary Levente Madiar qatysty.
Is-shara kún tártibinde Túrki keńesine múshe emes memleketter jáne uiymdar arasynda yntymaqtastyq ornatý, uiymnyń ataýyn ózgertý, «2040 – túrki keleshegi» baǵdarlamasy jáne kezekti sammit merzimderi ispettes ózekti máseleler qarastyryldy.
Syrtqy ister ministrleri Túrki keńesiniń Qurmetti tóraǵasy týraly erejeni qabyldady. 2019 jylǵy 15 qazanda TMYK 7- sammitinde QR Tuńǵysh Prezidenti - Elbasy Nursultan Nazarbaev Keńestiń Qurmetti tóraǵasy retinde sailanǵan.
M. Tileýberdi óz baiandamasynda Elbasy N. Nazarbaevtyń byltyr Túrki keńesiniń 7-shi Sammitinde uiymnyń ataýyn ózgertý jáne «2040 – túrki keleshegi» baǵdarlamasyn daiyndaý týraly bastamalaryna nazar aýdardy.
Túrki keńesiniń Bas hatshysy, qazaqstandyq diplomat Baǵdad Ámireev óz baiandamasynda halyqaralyq qaýymdastyqtyń Túrki keńesine qyzyǵýshylyǵy arta túskenin habarlady. Osyǵan bailanysty, SIMK barysynda uiymǵa baqylaýshy jáne seriktes mártebesin alý týraly erejeniń qabyldanýynyń mańyzdylyǵy atap ótildi.
Sonymen qatar, taraptar Túrki keńesiniń 8-Sammitiniń merzimderi men ótkizý orny boiynsha máselelerdi talqylady.
SIMK sheńberinde Ministr M.Tileýberdi Túrkitildes elderdiń Parlamenttik Assambleiasynyń Bas hatshysy Altynbek Mamaiýsýpovpen ekijaqty kezdesý ótkizdi.
