سىرتقى ٸستەر مينيسترٸ مۇحتار تٸلەۋبەردٸ باستاعان قازاقستاندىق دەلەگاتسييا سٸم كەزەكتەن تىس وتىرىسىنا (سٸمك) قاتىستى. بۇل تۋرالى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
اتالعان ٸس-شاراعا ەزەربايجان سىرتقى ٸستەر مينيسترٸ ەلمار مامەدياروۆ, قىرعىزستان سىرتقى ٸستەر مينيسترٸ چينگيز ايداربەكوۆ, تٷركييا سىرتقى ٸستەر مينيسترٸ مەۆليۋت چاۆۋشوگلۋ, ٶزبەكستان سىرتقى ٸستەر مينيسترٸ ابدۋلازيز كاميلوۆ جەنە ماجارستان سىرتقى جەنە ساۋدا مينيسترٸنٸڭ ورىنباسارى لەۆەنتە ماديار قاتىستى.
ٸس-شارا كٷن تەرتٸبٸندە تٷركٸ كەڭەسٸنە مٷشە ەمەس مەملەكەتتەر جەنە ۇيىمدار اراسىندا ىنتىماقتاستىق ورناتۋ, ۇيىمنىڭ اتاۋىن ٶزگەرتۋ, «2040 – تٷركٸ كەلەشەگٸ» باعدارلاماسى جەنە كەزەكتٸ سامميت مەرزٸمدەرٸ ٸسپەتتەس ٶزەكتٸ مەسەلەلەر قاراستىرىلدى.
سىرتقى ٸستەر مينيسترلەرٸ تٷركٸ كەڭەسٸنٸڭ قۇرمەتتٸ تٶراعاسى تۋرالى ەرەجەنٸ قابىلدادى. 2019 جىلعى 15 قازاندا تمىك 7- سامميتٸندە قر تۇڭعىش پرەزيدەنتٸ - ەلباسى نۇرسۇلتان نازارباەۆ كەڭەستٸڭ قۇرمەتتٸ تٶراعاسى رەتٸندە سايلانعان.
م. تٸلەۋبەردٸ ٶز بايانداماسىندا ەلباسى ن. نازارباەۆتىڭ بىلتىر تٷركٸ كەڭەسٸنٸڭ 7-شٸ سامميتٸندە ۇيىمنىڭ اتاۋىن ٶزگەرتۋ جەنە «2040 – تٷركٸ كەلەشەگٸ» باعدارلاماسىن دايىنداۋ تۋرالى باستامالارىنا نازار اۋداردى.
تٷركٸ كەڭەسٸنٸڭ باس حاتشىسى, قازاقستاندىق ديپلومات باعداد ەمٸرەەۆ ٶز بايانداماسىندا حالىقارالىق قاۋىمداستىقتىڭ تٷركٸ كەڭەسٸنە قىزىعۋشىلىعى ارتا تٷسكەنٸن حابارلادى. وسىعان بايلانىستى, سٸمك بارىسىندا ۇيىمعا باقىلاۋشى جەنە سەرٸكتەس مەرتەبەسٸن الۋ تۋرالى ەرەجەنٸڭ قابىلدانۋىنىڭ ماڭىزدىلىعى اتاپ ٶتٸلدٸ.
سونىمەن قاتار, تاراپتار تٷركٸ كەڭەسٸنٸڭ 8-سامميتٸنٸڭ مەرزٸمدەرٸ مەن ٶتكٸزۋ ورنى بويىنشا مەسەلەلەردٸ تالقىلادى.
سٸمك شەڭبەرٸندە مينيستر م.تٸلەۋبەردٸ تٷركٸتٸلدەس ەلدەردٸڭ پارلامەنتتٸك اسسامبلەياسىنىڭ باس حاتشىسى التىنبەك مامايۋسۋپوۆپەن ەكٸجاقتى كەزدەسۋ ٶتكٸزدٸ.
