Almaty oblysy ákiminiń ókimimen Baqtiiar Áltaiuly Ónerbaev Tekeli qalasynyń ákimi bolyp taǵaiyndaldy. Bul týraly Almaty oblysy ákimdiginiń resmi saity habarlady.
Baqtiiar Áltaiuly Ónerbaev 1967 jyly týǵan. S.M. Kirov atyndaǵy Qazaq memlekettik ýniversitetin jáne Qyrǵyz ulttyq memlekettik ýniversitetin bitirgen, mamandyǵy – injener-himik, oqytýshy, quqyqtanýshy, saiasat ǵylymdarynyń kandidaty.
Eńbek jolyn S. Kirov atyndaǵy Qazaq memlekettik ýniversitetiniń beiorganikalyq himiia kafedrasynyń laboranty bolyp bastady. Keiin S. Kirov atyndaǵy ýniversitettiń kafedrasynda injener, QR Kommýnaldyq menshikti memleket ieliginen alý jáne jekeshelendirý komitetiniń mamany, bas mamany, Almaty qalasy Jetisý aýdany ákiminiń orynbasary, QR Prezidenti Is basqarmasynyń uiymdastyrý bóliminiń, syrtqy bailanys jáne is-sharalarǵa qyzmet kórsetý bóliminiń meńgerýshisi, Almaty qalasynyń sot ákimshisi, Qazaqstan Respýblikasy Joǵarǵy Soty janyndaǵy Sot ákimshiligi komiteti tóraǵasynyń birinshi orynbasary, Sottardyń qyzmetin qamtamasyz etý departamenti basshysynyń birinshi orynbasary, QR Parlamenti Senatynyń bólim meńgerýshisi bolyp qyzmet istedi.
2014 jylǵy qarashadan – Almaty oblysy ákiminiń orynbasary.
Aita ketsek, Almaty oblysy ákiminiń ókimimen basqa jumysqa aýysýyna bailanysty Talǵat Qanatuly Qainarbekov Tekeli qalasynyń ákimi qyzmetinen bosatyldy.
