Májilis depýtaty Baqtiiar Máken Qaraǵandy oblysyndaǵy shahterlerdiń ereýiline qatysty pikir bildirdi, dep habarlaidy "Ult aqparat".
"Bul másele búgin ǵana emes, kópten kóterilip júrgen másele. Osydan 3-4 jyl buryn da kóterilgen. Komissiia qarastyryp, "ArselorMittal Temirtaý", basqa da kompaniialar birlesip, máseleni qarastyrýǵa múmkindikteri bar degen oidamyn" – dep, depýtat BAQ ókilderine óz pikirin bildirdi.
"Shahterlardyń jalaqysyn kóterý kerek pe?" degen suraqqa ol:
"Iá, meniń oiymsha, jalaqysyn kóterý kerek. Bir quzyrly adam ǵana emes, arnaiy komissiia arqyly, ákimshilik, úkimet bolyp máseleni qarastyrý kerek dep oilaimyn", — dep jaýap berdi.
Aita keteiik, "ArselorMittal Temirtaý" AQ kómir departamentine qarasty tórt shahtanyń 200-ge jýyq jumysshysy 11 jeltoqsanda túngi aýysymnan keiin jer astynan shyǵýdan bas tartady. Olar birneshe talap qoidy, onyń ishinde eńbekaqyny júz paiyz ósirý jáne zeinet jasyn tómendetý talaby bar. Eńbek jáne halyqty áleýmettik qorǵaý ministri Tamara Dúisenova 12 jeltoqsanda segiz shahtada 684 adam bolǵanyn habarlady. Jergilikti bilik pen kompaniia ókilderi shahterlermen kelissózder júrgizip jatyr. Búgin tańǵy segizdegi jaǵdai boiynsha jer astynan 154 adam shyqty.
