Foto: inform.kz
QR Aqparat jáne qoǵamdyq damý ministri Darhan Qydyráli BAQ týraly zańnamany jetildirý jumysy qalai júrip jatqanyn aitty, dep habarlaidy QazAqparat.
«Prezident Qasym-Jomart Toqaevtyń byltyrǵy 16 naýryzdaǵy Joldaýynda «Táýelsiz ári jaýapkershiligi joǵary buqaralyq aqparat quraldary bolmasa, qoǵamdy odan ári demokratiialandyrý múmkin emestigine senimdimin. Sondyqtan memlekettiń múddesin, qoǵamnyń suranysyn jáne mediasalanyń damý úrdisin eskere otyryp, BAQ týraly zańdy qaita qaraý kerek» dep ministrlik aldyna salalyq zańnamany jetildirý mindetin qoidy. Sondyqtan qazir dástúrli BAQ-tyń baǵyty kontseptýaldy turǵyda ózgerip jatyr. Jańa media túsinigi qalyptasty. Mediazańnamany qaita qaraý jumysy júrip jatyr», - dedi Qydyráli ministrliktiń keńeitilgen alqa otyrysynda.
Onyń aitýynsha, balalarǵa qatysty kiberbýllingti retteýde zańnamalyq túzetýler engizildi.
Halyqaralyq tájiribelerdi eskere otyryp, mass-media týraly zań jurtshylyq talqylaýyna shyǵaryldy.
Sondai-aq, onlain platformalar men internet jarnama qyzmetin retteitin jańa zań jobasy ázirlenýde.
«Zań jobasy aiasynda jýrnalisterdiń mártebesin kóterý, memlekettik aqparattyq saiasatty qarjylandyrý tetikterin reformalaý, ózin-ózi retteý institýttaryn damytý, teleradio habarlaryn taratý salasyndaǵy trendterdi ózgertý josparlanǵan. Aqparatqa qol jetkizý máseleleri týraly zańǵa túzetýler ázirlendi. Usynylǵan ózgerister azamattardyń aqparatqa qol jetkizý quqyǵyn zańsyz shekteitin memlekettik organdardyń jaýapkershiligin kúsheitedi. Aqparattyq doktrina talqylaýdan ótti, sondai-aq aqparat salasyn damytýdyń 2023-2027 jyldarǵa arnalǵan tujyrymdamasyn daiyndaýǵa kiristik», - dedi Aqparat ministri.
