QR Aqparat jáne qoǵamdyq damý ministri Darhan Qydyráli BAQ týraly jańa zań jobasynda jýrnalisterdiń mártebesin kóterý máselesi qamtylatynyn aitty, dep habarlaidy QazAqparat.
Búgin Parlament Májilisindegi baspasóz máslihatynda tilshiler ministrden BAQ týraly jańa zań jobasyn ázirleý men jýrnalisterdiń mártebesi týraly suraq qoidy.
«Bul massmedia týraly zań jobasyna erekshe mán berip otyrmyz. Osy oraida jumys toptary halyqaralyq uiymdarmen, sarapshylar keńinen talqylaý júrgizedi. Jýyq arada ony portalǵa shyǵaramyz», - dedi Darhan Qydyráli.
Bul turǵyda jýrnalisterge mártebe berý máselesin, aqparat alý múmkindigin jeńildetý, sondai-aq tilshilerdiń jumystaryna qatysty kóptegen artyqshylyq qarastyrylyp otyr.
«Sondyqtan massmedia týraly zań jobasy jýrnalisterdiń quqyǵyn qorǵaýǵa baǵyttalǵan. Halyqaralyq uiymdarmen pikir almasyp jatyrmyz, úzdik tájiribelerdi nazarǵa alamyz. Atap aitqanda, sapaly zań bolady dep oilaimyn», - dedi ministr.
