Keleshekte BAQ týraly jańa sapaly zań qabyldanatyn bolady. Bul týraly QR Aqparat jáne qoǵamdyq damý ministrliginiń keńeitilgen alqa májilisinde vedomstvo basshysy Aida Balaeva málim etti, dep habarlaidy "Ult aqparat".
Ministr memlekettik aqparattyq tapsyrysty usynýdyń jańa erejelerine qatysty jumysqa toqtala kele, aldaǵy ýaqytta BAQ týraly jańa sapaly zań qabyldanýy josparlanyp otyrǵanyn jetkizdi.
Osy oraida A. Balaeva atalǵan qujat qashan qabyldanatynyn aitty.
«Bul turǵydaǵy maqsat – memlekettiń biryńǵai aqparattyq saiasatynyń zańnamalyq qamtamasyz etilgen tetikterin qalyptastyrý. Osy oraida BAQ týraly jańa zań 2022 jyly ázirlenip, qabyldanýy úshin biyl zań jobasynyń tujyrymdamasy keńinen talqylaýǵa usynylady», - dedi vedomstvo basshysy.
