AQSh prezidenti Donald Tramp AQSh qarýlanýdan jańa báseke bastalsa, jeńip shyǵatynyn málimdedi. NBC-diń Aq úidegi derekkózine siltep habarlaýynsha, Tramp bul týraly 20 naýryz kúni Resei prezidenti Vladimir Pýtinmen telefonmen sóilesken kezinde aitqan.
Telearna derekkózi prezident keńesshileri ony Reseimen qarym-qatynasty jaqsartý úshin qataldyq tanytýǵa kóndirgenin aitady. Derekkóziniń aitýynsha, osyndai ádis-tásil ǵana Ýkrainaǵa tankige qarsy qoldanylatyn Javelin keshenin jetkizýge negiz bolǵan.
NBC-diń bir-birinen táýelsiz eki derekkózi Pýtinniń jańa iadrolyq qarý týraly málimdemesi Trampqa qatty tigenin habarlaǵan. Pýtin Reseidiń jańa iadrolyq qarý jasap jatqany týraly 1 naýryzda Federaldyq keńeste jasaǵan jyl saiynǵy joldaýynda málimdegen edi.
