Qyzylordada koronavirýs tabylǵan 1955 jylǵy áiel aimaqqa 1 naýryzda Ońtústik Koreiadan ushyp kelgen. Ol jaqta qyzmettik issaparda bolǵan, dep habarlady memlekettik 24.kz saity.
Kele salysymen birden karantinge jatqyzylǵan. Keiinnen dárigerler ony úiine jiberip, sol jaqtan baqylaǵan. Jaqynda onyń jaǵdaiy kúrt nasharlap, jedel járdem brigada tobyn shaqyrǵan. Testen ótkennen keiin diagnozy rastalǵan. Qazir oblystyq infektsiialyq aýrýhanasynda jatyr.
- Jaǵdaiy ortasha aýyr. Naýqas qurǵaq jótel, tamaǵy jybyrlaitynyn aitady, dene qyzýy da bar. Hattamaǵa sáikes emdep jatyrmyz, - dedi oblystyq densaýlyq saqtaý basqarmasynyń jetekshisi Jaqsylyq Ábdisámetov.
Basqarmanyń aitýynsha, naýqaspen bailanysta bolǵan 30-ǵa jýyq adam anyqtalǵan. Onymen jaqyn qarym-qatynasta bolǵan adamdar tizimi jasalyp, 14 kún statsionarǵa jatqyzylady.
Basqarma ókilderi naýqas turǵan aýmaqta dezinfektsiia júrip jatqanyn aitty.
Sońǵy derek boiynsha Qazaqstanda 204 adamnan koronavirýs tabylǵan:
- Nur-Sultanda - 117 adam
- Almatyda - 58 adam
- Qaraǵandyda - 4 adam
- Jambyl oblysynda - 3 adam
- Atyraý oblysynda - 4 adam
- Aqmola oblysynda - 5 adam
- Shymkentte - 2 adam
- Shyǵys Qazaqstan oblysynda - 2 adam
- Almaty - oblysynda - 4 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 1 adam.
