- Qytailyq barlaýshylar Beijińmen AQSh arasyndaǵy daý bolýy múmkin degen boljammen Pentagonnyń qupiia josparlaryna qol jetkizý úshin AQSh-tyń ulttyq qaýpsizdik qurylymdaryna birneshe ret jasyryn túrde kirgen, dep jazdy Washington Free Beacon kongress komissiiasynyń baiandamasyna silteme jasap.
Qujatta qytailyq agentter FTB men AQSh Tynyq muhittyq basqarý (USPACOM) uiymyna kirgen.
Pentagonda tyńshylyq daýdyń eń irisi USPACOM kelisimshart boiynsha qyzmetkeri bolǵan otstavkadaǵy podpolkovnik Bendjamin Pirs Bishoppen (Benjamin Pierce Bishop) bailanysty. 2014 jyldyń naýryzynda er adam qupiia málimetterdi qytailyq qyzǵa berip otyrǵanyn moiyndady.
Pentagon málimetteri boiynsha, Bishop dos qyzyna AQSh-tyń áskeri josparlaryna qatysty qujattardy, iadrolyq qarýdy kúsheitý, MQ-9 Reaper boiynsha qujattardy jáne Qytaiǵa qatysty qupiia bolǵan strategiia boiynsha baiandamany ótkizgen.
Baiandamada Beijiń «jasyryp engizdi» degen ózge sheneýnikter týraly málimetter de bar. Mysaly tamyz aiynda FTB IT-qyzmetkeri Kýn Shan «Djo» Chýn qytailyq tarapqa biýronyń ańdý salasyndaǵy tehnologiiasy týraly qujattardy tapsyrǵanyn aitqan. Kei qujattar AQSh tergeý jelisine qaýip tóndirýi múmkin.
«Urlanǵan málimetterdiń ishinde 5,6 million saýsaq izi bolǵan. Olardyń keibireýleri jasyryn jumys istep júrgen AQSh úkimettik agentterin anyqtaýǵa nemese qupiia materialdarǵa qol jetkizý úshin biometriialyq materialdy kóshirý maqsatynda paidalanylýy múmkin», - dep atap ótilgen qujatta.
Washington Free Beacon baiandamanyń tolyq nusqasy 16 qarashada jariialanatynyn jazdy.
QazAqparat
