Qazaqstan men Qytai shekarasyndaǵy Qorǵasta jýyrda Jańa Jibek jolyndaǵy qarjy «aýylynyń» saltanatty ashylý rásimi ótti. Oǵan qalanyń halyqaralyq qarjy ortalyǵyna ainalýyna jaǵdai jasaidy degen úmit artylyp otyr, dep jazady Sinhýa.
Ádette qarjy innovatsiialary jáne ofshor bank operatsiialary júrgiziletin pilottyq aimaqtar Beijiń, Shanhai, Gýanchjoý, Shenchjen sekildi Qytaidyń iri qalalarynda jumys isteidi. Qorǵas eldiń shekaralyq aimaǵyndaǵy osyndai statýs alǵan alǵashqy qala atandy.
Qorǵasta qarjy «aýylynyń» qurylýy, mamandardyń pikirinshe, onyń tamasha geogorafiialyq múmkindikterine bailanysty. Budan tys, Qytai úkimeti osy qalaǵa qatysty túrli salalarda jeńildikter berý saiasatyn ustanady.
2012 jyly qurylǵan «Qorǵas» halyqaralyq shekaralyq yntymaqtastyq ortalyǵy eldiń jalǵyz shekaralyq yntymaqtastyq ortalyǵy bolyp tabylady.
2013 jyldyń tamyzynda ortalyqta iýanmen júrgiziletin innovatsiialyq ofshor operatsiialaryn keńeitý jónindegi tájiribe jobasy bastalǵan edi.
Keiin 2016 jylǵy qyrkúiekte Qytaidyń Halyq banki osy jobanyń odan ári iske asyrylýy týraly málimdegen. Jobaǵa sáikes, iýanmen júrgiziletin innovatsiialyq ofshor operatsiia qyzmetteri, negizinen, Qytai tarapynan ákimshilik komitette tirkelgen kásiporyndarǵa jáne sheteldik bank mekemelerine, kásiporyndarǵa, jeke tulǵalarǵa usynylady.
