New York Times gazeti AQSh prezidenti ákimshiligi qyzmetkeriniń anonimdi maqalasyn jariialady, dep jazady Azattyq.
5 qyrkúiekte jariialanǵan maqala avtory ózin basqarýshy qurylym ishindegi prezident Donald Tramptyń "nashar saiasatynyń saldaryn" joiýǵa tyrysatyn "qarsylasýshy toptyń" ókilimin dep ataǵan.
Aty-jónin atamaǵan avtor maqalada áriptesteriniń kóbi prezident Tramptyń "aldyn ala boljap bilmeitin, qyzýqandy is-qimylynyń" saldaryn joiýǵa jáne "pisip-jetilmegen, keide aǵat sheshimder" qabyldaýyna jol bermeýge tyrysatynyn jazǵan.
Maqalada avtor buǵan Tramp ákimshiliginiń Reseige qatysty qatań saiasat ustanatynyn, al bul Donald Tramptyń Kreml men Resei prezidenti Vladimir Pýtin týraly jariia málimdemeleri sarynyna sai kelmeitinin mysalǵa keltiredi. Maqala avtorynyń sózinshe, Resei azamattary men kompaniialaryna qarsy sanktsiialar Aq úidiń AQSh ulttyq qaýipsizdigine jaýapty qyzmetkerleriniń is-qimyly arqasynda kúsheitilip otyr.
Donald Tramp gazet maqalasyn "masqara" dep atap, gazetti ulttyq qaýipsizdik maqsatynda maqala avtorynyń aty-jónin jariialaýǵa shaqyrdy.
Aq úi baspasóz hatshysy Sara Sanders maqala avtoryn "zańdy sailanǵan AQSh prezidentin qoldamaidy, kerisinshe aldaidy" dep atap, ony otstavkaǵa ketýge shaqyrdy.
