Jýyrda Astana qalasyndaǵy «Hilton Garden Inn Astana» meimanhanasynyń «Garden» zalynda KIB Finance, «Atameken» QR Ulttyq kásipkerler palatasy, «Astana Invest» JShS, sondai-aq, qazaqstandyq jáne halyqaralyq qarjylyq institýttardyń uiymdastyrýymen «COCAD «Consortium of Central Asia Development» zańdy tulǵalar qaýymdastyǵynyń tusaýkeser rásimi ótti. Oǵan ulttyq kompaniialar, damytý institýttary, úkimettik emes uiymdar, Qazaqstandaǵy diplomatiialyq jáne sheteldik investorlardyń ókilderi qatysty.
Bul týraly Ortalyq kommýnikatsiialar qyzmetinde «Consortium of Central Asia Development» zańdy tulǵalar qaýymdastyǵynyń prezidenti Serik Sadyqovtyń qatysýymen ótken baspasóz konferentsiiasynda sóz boldy. Baspasóz máslihatyna halyqaralyq zańger, «KIB Finance» ókili Áigerim Berekesheva, Astana qalalyq kásipkerler palatasynyń direktory Ǵani Tasmaǵanbetov, «Astana invest» JShS bas direktory Abai Qojamjarovtar qatysyp, óz oiymen bólisti.
Aita keterligi, memlekettiń tikelei qoldaýymen barlyq jumysyn júielep otyratyn qaýymdastyq sáýir aiynda qurylǵan edi. Ol Qazaqstan jáne Ortalyq Aziiadaǵy kásipkerlik qyzmetti júzege asyratyn zańdy tulǵalardyń músheligi negizinde uiymdasqan uiym bolyp tabylady.
Esterińizge sala keteiik, Memleket basshysy Nursultan Nazarbaev ár jylǵy Joldaýlarynda elimizge sheteldik investitsiiany tartý jáne sheteldik áriptestermen birlesken kásiporyndar qurý qajettigi týraly jii aityp keledi. Tipti Prezident biylǵy Joldaýda kásipkerlik sýbektileriniń birlesýi men kooperatsiiasynyń róline, sondai-aq eldiń óndiristik áleýetin jańǵyrtý qajettigine erekshe nazar aýdardy. Osy turǵydan alǵanda «COCAD «Consortium of Central Asia Development» zańdy tulǵalar qaýymdastyǵynyń qyzmeti sol tapsyrmaǵa qol jetkizýge baǵyttalǵan. Máselen, uiym álemdik naryqta otandyq óndirýshilerdiń múddelerin qorǵai otyryp, kásipkerlikti jan-jaqty damytýǵa yqpal etýdi, ekonomika, ǵylym, saýda-sattyq salasynda áriptesterdi tabýǵa járdemdesýdi, sondai-aq, elimizde, shetelderde saýda-ekonomikalyq qarym-qatynastardyń barlyq túrin damytýdy niet etedi.
Osyndai salmaqty maqsatty arqalaǵan qaýymdastyqtyń atqaratyn mindeti men jumys baǵyty da salmaqty. Shara aiasynda bul jaily da keńinen áńgime boldy. Spikerlerdiń aitýynsha, qaýymdastyq investitsiialaýdyń negizdemelik jaǵdailary týraly aqparatty usyný, investitsiialarǵa járdemdesý, birlesken kásiporyndar, tehnikalyq jáne qarjylyq áriptestikterdi qurý boiynsha áriptesterdi tabý, qaýymdastyq múshelerine memlekettik qoldaý sharalary týraly keńester berý, ishki jáne syrtqy saýda-sattyqty uiymdastyrýǵa járdemdesý qatarly baǵyttarda jumys atqarady.
Jańadan tusaýkeseri ótip, bolashaqqa jol alǵan qaýymdastyqtyń alǵashqy otyrysynda yntymaqtastyq týraly 10-ǵa jýyq kelisimge qol qoiyldy. Olardyń bir bóligi jobalardy memlekettik-jekemenshik áriptestiktiń mehanizmin paidalaný arqyly júzege asyrýǵa qatysty bolsa, ekinshisi, álemdik deńgeidegi moderatorlar men spikerler qatysatyn iskerlik kezdesýlerdi uiymdastyrý, «Qazaqstan investitsiialar úshin ashyq» roýd-shoýyn júrgizý josparlaryna arnaldy. Sonymen qatar, kezdesýde Qazaqstanda qarjylyq tehnologiialardy damytý, memlekettik-jekeshelik áriptestikti nyǵaitý, elimizdiń investitsiialyq ahýaly jáne Eýropa elderiniń osy jaily kózqarastaryn baǵamdaý, ekonomikanyń naqty sektorlaryna investitsiialar quiý qatarly mańyzdy máseleler de talqylandy.
Qajet ANDAS
