جۋىردا استانا قالاسىنداعى «Hilton Garden Inn Astana» مەيمانحاناسىنىڭ «Garden» زالىندا KIB Finance, «اتامەكەن» قر ۇلتتىق كەسٸپكەرلەر پالاتاسى, «Astana Invest» جشس, سونداي-اق, قازاقستاندىق جەنە حالىقارالىق قارجىلىق ينستيتۋتتاردىڭ ۇيىمداستىرۋىمەن «COCAD «Consortium of Central Asia Development» زاڭدى تۇلعالار قاۋىمداستىعىنىڭ تۇساۋكەسەر رەسٸمٸ ٶتتٸ. وعان ۇلتتىق كومپانييالار, دامىتۋ ينستيتۋتتارى, ٷكٸمەتتٸك ەمەس ۇيىمدار, قازاقستانداعى ديپلوماتييالىق جەنە شەتەلدٸك ينۆەستورلاردىڭ ٶكٸلدەرٸ قاتىستى.
بۇل تۋرالى ورتالىق كوممۋنيكاتسييالار قىزمەتٸندە «Consortium of Central Asia Development» زاڭدى تۇلعالار قاۋىمداستىعىنىڭ پرەزيدەنتٸ سەرٸك سادىقوۆتىڭ قاتىسۋىمەن ٶتكەن باسپاسٶز كونفەرەنتسيياسىندا سٶز بولدى. باسپاسٶز مەسليحاتىنا حالىقارالىق زاڭگەر, «KIB Finance» ٶكٸلٸ ەيگەرٸم بەرەكەشەۆا, استانا قالالىق كەسٸپكەرلەر پالاتاسىنىڭ ديرەكتورى عاني تاسماعانبەتوۆ, «Astana invest» جشس باس ديرەكتورى اباي قوجامجاروۆتار قاتىسىپ, ٶز ويىمەن بٶلٸستٸ.
ايتا كەتەرلٸگٸ, مەملەكەتتٸڭ تٸكەلەي قولداۋىمەن بارلىق جۇمىسىن جٷيەلەپ وتىراتىن قاۋىمداستىق سەۋٸر ايىندا قۇرىلعان ەدٸ. ول قازاقستان جەنە ورتالىق ازيياداعى كەسٸپكەرلٸك قىزمەتتٸ جٷزەگە اسىراتىن زاڭدى تۇلعالاردىڭ مٷشەلٸگٸ نەگٸزٸندە ۇيىمداسقان ۇيىم بولىپ تابىلادى.
ەستەرٸڭٸزگە سالا كەتەيٸك, مەملەكەت باسشىسى نۇرسۇلتان نازارباەۆ ەر جىلعى جولداۋلارىندا ەلٸمٸزگە شەتەلدٸك ينۆەستيتسييانى تارتۋ جەنە شەتەلدٸك ەرٸپتەستەرمەن بٸرلەسكەن كەسٸپورىندار قۇرۋ قاجەتتٸگٸ تۋرالى جيٸ ايتىپ كەلەدٸ. تٸپتٸ پرەزيدەنت بيىلعى جولداۋدا كەسٸپكەرلٸك سۋبەكتٸلەرٸنٸڭ بٸرلەسۋٸ مەن كووپەراتسيياسىنىڭ رٶلٸنە, سونداي-اق ەلدٸڭ ٶندٸرٸستٸك ەلەۋەتٸن جاڭعىرتۋ قاجەتتٸگٸنە ەرەكشە نازار اۋداردى. وسى تۇرعىدان العاندا «COCAD «Consortium of Central Asia Development» زاڭدى تۇلعالار قاۋىمداستىعىنىڭ قىزمەتٸ سول تاپسىرماعا قول جەتكٸزۋگە باعىتتالعان. مەسەلەن, ۇيىم ەلەمدٸك نارىقتا وتاندىق ٶندٸرۋشٸلەردٸڭ مٷددەلەرٸن قورعاي وتىرىپ, كەسٸپكەرلٸكتٸ جان-جاقتى دامىتۋعا ىقپال ەتۋدٸ, ەكونوميكا, عىلىم, ساۋدا-ساتتىق سالاسىندا ەرٸپتەستەردٸ تابۋعا جەردەمدەسۋدٸ, سونداي-اق, ەلٸمٸزدە, شەتەلدەردە ساۋدا-ەكونوميكالىق قارىم-قاتىناستاردىڭ بارلىق تٷرٸن دامىتۋدى نيەت ەتەدٸ.
وسىنداي سالماقتى ماقساتتى ارقالاعان قاۋىمداستىقتىڭ اتقاراتىن مٸندەتٸ مەن جۇمىس باعىتى دا سالماقتى. شارا اياسىندا بۇل جايلى دا كەڭٸنەن ەڭگٸمە بولدى. سپيكەرلەردٸڭ ايتۋىنشا, قاۋىمداستىق ينۆەستيتسييالاۋدىڭ نەگٸزدەمەلٸك جاعدايلارى تۋرالى اقپاراتتى ۇسىنۋ, ينۆەستيتسييالارعا جەردەمدەسۋ, بٸرلەسكەن كەسٸپورىندار, تەحنيكالىق جەنە قارجىلىق ەرٸپتەستٸكتەردٸ قۇرۋ بويىنشا ەرٸپتەستەردٸ تابۋ, قاۋىمداستىق مٷشەلەرٸنە مەملەكەتتٸك قولداۋ شارالارى تۋرالى كەڭەستەر بەرۋ, ٸشكٸ جەنە سىرتقى ساۋدا-ساتتىقتى ۇيىمداستىرۋعا جەردەمدەسۋ قاتارلى باعىتتاردا جۇمىس اتقارادى.
جاڭادان تۇساۋكەسەرٸ ٶتٸپ, بولاشاققا جول العان قاۋىمداستىقتىڭ العاشقى وتىرىسىندا ىنتىماقتاستىق تۋرالى 10-عا جۋىق كەلٸسٸمگە قول قويىلدى. ولاردىڭ بٸر بٶلٸگٸ جوبالاردى مەملەكەتتٸك-جەكەمەنشٸك ەرٸپتەستٸكتٸڭ مەحانيزمٸن پايدالانۋ ارقىلى جٷزەگە اسىرۋعا قاتىستى بولسا, ەكٸنشٸسٸ, ەلەمدٸك دەڭگەيدەگٸ مودەراتورلار مەن سپيكەرلەر قاتىساتىن ٸسكەرلٸك كەزدەسۋلەردٸ ۇيىمداستىرۋ, «قازاقستان ينۆەستيتسييالار ٷشٸن اشىق» روۋد-شوۋىن جٷرگٸزۋ جوسپارلارىنا ارنالدى. سونىمەن قاتار, كەزدەسۋدە قازاقستاندا قارجىلىق تەحنولوگييالاردى دامىتۋ, مەملەكەتتٸك-جەكەشەلٸك ەرٸپتەستٸكتٸ نىعايتۋ, ەلٸمٸزدٸڭ ينۆەستيتسييالىق احۋالى جەنە ەۋروپا ەلدەرٸنٸڭ وسى جايلى كٶزقاراستارىن باعامداۋ, ەكونوميكانىڭ ناقتى سەكتورلارىنا ينۆەستيتسييالار قۇيۋ قاتارلى ماڭىزدى مەسەلەلەر دە تالقىلاندى.
قاجەت انداس
