Kollaj: Ozgeris.info
Mýzykalyq prodiýser Baǵym Muhitdenova Dimash Qudaibergenge qatysty buǵan deiin aitqan pikirine bailanysty qoǵamda qalyptasqan qate túsinikke núkte qoidy. Bul týraly ol jýrnalist Aman Tasyǵanǵa bergen suhbatynda aitty, dep habarlaidy Ult.kz.
«12 jyl ótse de, bul taqyryp tynshymaidy. Kúlkim keledi. Sol kezde aitqan búkil oiymdy emes, bir ǵana sóilemdi julyp alyp, taratyp jiberdi. Sóitip, men Dimashqa "joǵary notada aitpa" degendei bolyp shyqtym. Al men naqty sol ánde artyq shyńǵyrýdyń qajeti joq ekenin aitqanmyn», – dedi Muhitdenova.
Prodiýser sol kezeńde Dimash oryndaǵan ánniń kásibi deńgeiine emes, ánniń sapasyna qatysty pikir bildirgenin aitty.
«Ol án orta deńgeide boldy. Men úshin ol eshqashan joǵary deńgeidegi hit bolǵan emes. Óz pikirimnen bas tartpaimyn. Maǵan "keshirim sura" deitinder kóp. Nege keshirim suraýym kerek ekenin ózim de túsinbeimin», – dedi ol.
Baǵym Muhitdenova «Pesni» jobasy týraly da pikir bildirip, bul baiqaýda oryndaýshy emes, án baǵalanatynyn atap ótti.
«Dimash aitqan ánde artyq nárseler qoldanylǵan. Menińshe, onyń tańdap alǵan áni – talǵamsyz. Biraq bul onyń darynyna kúmán keltiredi degen sóz emes», – dedi ol.
Sóz sońynda prodiýser Dimash Qudaibergenniń talantyna joǵary baǵa berip, onyń álemdik deńgeidegi juldyz ekenin aitty:
«Bul talqylaýǵa da jatpaidy. Eger ol kezde tańdaǵan áni sapaly bolǵanda, naǵyz hitke ainalar edi. Biraq olai bolmady. Sondyqtan men óz pikirimdi durys dep sanaimyn», – dep túiindedi ol.
