Prezident ákimshiligi basshysynyń burynǵy orynbasary Baǵlan Mailybaevqa qatysty úkim jariialandy, dep habarlaidy Astana qalalyq sotynyń baspasóz qyzmeti.
Málimet boiynsha, 2017 jylǵy 13 maýsymda Astana qalasy №2 Esil aýdandyq soty QR QK-niń 361-babynyń 4-bóligi, 185-babynyń 3-bóliginde qarastyrylǵan qylmystardy jasaǵanyn moiyndaý týraly kelisimmen sotqa kelip túsken Mailybaev Baǵlan Asaýbaiulyna jáne Galihin Nikolai Nikolaevichke qatysty qylmystyq isti qarady.
Sot úkimimen B.Mailybaev joǵaryda kórsetilgen baptar boiynsha kináli dep tanyldy jáne oǵan múlki tárkilene otyryp, memlekettik organdarda laýazymdy atqarý quqyǵynan ómir boiyna aiyryp, 5 jylǵa bas bostandyǵynan aiyrý jazasy taǵaiyndaldy.
N.Galihin QR QK-niń 185-babynyń 3-bóliginde kózdelgen qylmysty jasaǵany úshin kináli dep tanyldy jáne oǵan memlekettik organdarda laýazymdy atqarý quqyǵynan 3 jylǵa aiyryp, 4 jylǵa shartty túrde bas bostandyǵynan aiyrý jazasy taǵaiyndaldy.
Sondai-aq, sot úkimimen Qazaqstan Respýblikasy Prezidentine sottalǵandardy barlyq memlekettik nagradalardan aiyrý týraly usynys berildi.
Úkim zańdy kúshine endi. Qupiialylyqpen bailanysty qylmystyq is jabyq sot otyrysynda ótti.
