Resei astanasy Máskeý qalasynda erler men áielder arasyndaǵy áskeri sambodan jáne sambo kúresinen «A. Harlampiev memorialy» álem kýbogy óz máresine jetti.
Týrnirge 33 elden 250 sportshy qatysty. Bairaqty básekede 52 keli salmaq dárejesinde el namysyn qorǵaǵan sportshymyz Baǵlan Ibragimov 1-oryndy ielendi, - dep xabarlaidy "Sportty damytý direktsiiasynyń" baspasóz qyzmeti.
ᅠ
Otandasymyz birinshi beldesýinde qyrǵyz palýany Imanbek Tentievti aýyrtý ádisimen taza jeńdi. Túrkimendik Muxamedmurat Babekovpen kezdesýinde de dál sol ádisin paidalanyp, jeńiske jetti. Finalda reseilik Aleksei Kliýkinmen beldesken balýanymyz qarsylasynan upai sany jaǵynan basym túsip, óziniń myqtylyǵyn dáleldedi.
ᅠ
Sondai-aq Qaiyrgeldi Aidynbai (57 kg) 3-oryn, Parasat Jumabai (62 kg) 3-oryn jáne jaýyngerlik sambodan Temirlan Ýrazov (57 kg) 3-oryndy jeńip alyp, komandalyq esepte erler quramasy ekinshi orynǵa taban tiredi. Al áielder arasynda Dildásh Kúrishbaeva (68 kg) 2-oryn, Ainur Aqjigitova (78 kg) 3-oryn ielenip, álem kýbogynyń júldegerleri atandy.
