"Jigitter" tobynyń ánshisi Baǵlan Ábdiráiimov aýyryp jatqan anasyna jantebirenterlik jazba arnady. Óz oqyrmandarynan tilekshi bolýyna suraǵan ánshiniń jazbasyna jeli qoldanýshylaryn bei-jai qaldyrmady dep jazady NUR.KZ.
Ánshiniń aitýynsha, qan qysymy birneshe ret kóretilgen anasy qazirgi tańda komada jatyr. Onyń jaǵdaiyna qatty alańdaǵan "Jigitter" tobynyń múshesi elden anasyna tilekshi bolýyn surady.
"Bir apta buryn anamnyń qan qysymy kóterilip, esin joǵaltyp jedel járdemmen jergilikti aýrýhanaǵa jetkizilgen! Esite sala aýylǵa ushqam. Anammen júzdesip, kóńilim ornyna túsken. Eki kún buryn aýrýhanada taǵy sol jaǵdai qaitalanyp, jansaqtaý bólimine tústi.
Esin jidy da, qaita uiqyǵa (koma) ketti. Sodan beri Alladan járdem surap, janymyzdy shúberekke túiip júrmiz! Almaty, Shymkent dárigerleri qoldan kelgenin aityp, bar kúshin salýda.
Ázirge ornynan qozǵaltýǵa bolmaitynyn qatań eskertip Túlkibas aýdanynda ortalyq aýrýhanada jatyr! Kishkentai qara domalaq anamnyń jaǵdaiy osy. Sizderden nesin jasyraiyn... Neshe túrli oiǵa shomylyp qorqynysh bilep júr. Anasyz ómir súrý qandai qiyn. Aǵaiyn, kóp tileýi qabyl bolady! Tilekshi bolyńyzdarshy!", - dep jazdy ol.
