QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Qazaqtelekomdy» demonopolizatsiialaý týraly túsinik berdi, dep habarlaidy QazAqparat.
Búgin Májilistiń jalpy otyrysynan keiin tilshiler ministrden telekommýnikatsiia salasyn demonopolizatsiialaý qadamdaryna qatysty surady.
«Jańa Qazaqstan aiasynda jańa sheshimderge jol berilip jatyr. Telekom naryǵynda básekelestikti ortany kúsheitý nazarǵa alynyp otyr. Jalpy, buryn naryqta osyndai jaǵdai (monopolizm) bar ekenin únemi kóterip keldik. «Qazaqtelekomǵa» qatysty toqtalsaq, olarǵa eki operatordy satyp alýǵa ruqsatty men bergen joqpyn, olarǵa burynǵy Úkimet ruqsat berdi. Shamamen, 5 jyl buryn satyp alǵan bolatyn. 2020 jyldan beri biz olarǵa qatysty baqylaý jumystaryn kúsheitip, internet sapasy boiynsha talaptardy qoidyq», - dedi Mýsin.
Sonymen qatar ministr tiisti zań jobasy aiasynda depýtattarmen birlese tiisti aiyppuldar somasyn arttyrý máselesi talqylanyp jatqanyn jetkizdi.
«Taǵy bir másele – radiojiilikter monopoliiasy. «Qazaqtelekom» AQ-ǵa barlyq radiojiilikterdiń 75 paiyzy tiesili ekenin, osyǵan qatysty tiisti sheshim jasaý usynysyn aittym. 2021 jyly radiojiilikter boiynsha sot arqyly tiimdi paidalanylmaǵan 8 oblys aýmaǵyna qatysty «Qazaqtelekomnan» radiojiilikterdi alyp qoidyq. Qazir aýktsion boiynsha olardy taratamyz», - dedi ol.
Munymen qosa ministr ótken jyly jańa operatorlardyń paida bolýyna múmkindik berilgenin aitty.
